Hilligens

It begryp hilligens hat te krijen mei hiel(ens) en wurdt brûkt as oantsjutting fan eat dêr’t in ferheven wearde oan takend wurdt. Yn teïstyske religys slacht it op de bysûndere relaasje dy’t immen of eat mei God hat, dy’t achte wurdt sels hillich te wêzen. Om dy relaasje kin eat of immen dan hillich (hillige) wêze en ta foarbyld en/of foarwerp fan ferearing wurde, en mei bysûnder respekt behannele wurde.

Binnen de ferskate religys hat it begryp hillige ferskate spesifike betsjuttings. Der binne ferskate manieren om út te meitsjen oft immen hillich is. Der is lykwols ek besocht om in algemiene definysje te jaan. In roomsk-katolyk ûndersiker hold yn 1987 út dat hilligen yn ferskate kultueren en religy’s de folgjende oerienkomsen sjen litte. ^[1]:

• Foarbyldfunksje
• Wûnderdwaner of boarne fan goedaardige macht
• Middeler tusken de godheid en de minske
• Iepenbieringsrelaasje ta it hillige.

1. ↑ Coleman, John A. S.J. "Conclusion: after sainthood" in Hawley, John Stratton, ed. Saints and Virtues Berkeley: University of California Press, 1987. pp 214-217 "1. exemplary model 2. extraordinary teacher 3. wonder worker or source of benevolent power, 4. intercessor 5. possessor of a special and revelatory relation to the holy."