Star Wars

Star Wars
betinker	George Lucas
eigner	Lucasfilm
lân	Feriene Steaten
begjinjier	1976
films
langspylfilms	● Ep. IV: A New Hope ● Ep. V: The Empire Strikes    Back ● Ep. VI: Return of the Jedi ● Ep. I: The Phantom Menace ● Ep. II: Attack of the Clones ● Ep. III: Revenge of the Sith ● The Clone Wars ● Ep. VII: The Force Awakens ● Rogue One ● Ep. VIII: The Last Jedi ● Solo ● Ep. IX: The Rise of    Skywalker ● Rogue Squadron
tillefyzje
tillefyzjefilms	● Caravan of Courage ● Ewoks: The Battle for Endor
searjes	● The Mandalorian ● The Book of Boba Fett ● Obi-Wan Kenobi ● Andor ● Ahsoka ● Skeleton Crew ● The Acolyte
tekenfilmsearjes	● Droids ● Ewoks ● Clone Wars ● The Clone Wars ● Rebels ● Blips ● Forces of Destiny ● Galaxy of Adventures ● Resistance ● Roll Out ● Galaxy of Creatures ● Visions ● The Bad Batch ● Tales of the Jedi
specials	Star Wars Holiday Special
spultsjes
fideospultsjes	ferskaat, sjoch hjirre
boerdspullen	ferskaat, sjoch hjirre
kaartspullen	ferskaat, sjoch hjirre
literatuer
romans	ferskaat, sjoch hjirre
strips	ferskaat, sjoch hjirre
muzyk
soundtracks	● Ep. IV: A New Hope ● Ep. V: The Empire Strikes    Back ● Ep. VI: Return of the Jedi ● Ep. I: The Phantom Menace ● Ep. II: Attack of the Clones ● Ep. III: Revenge of the Sith ● Ep. VII: The Force Awakens ● Rogue One ● Ep. VIII: The Last Jedi ● Solo ● Ep. IX: The Rise of    Skywalker
offisjele webside
www.starwars.com

Dizze side giet oer de Amerikaanske mediafranchise. Foar oare betsjuttings, sjoch: Star Wars (betsjuttingsside).

Star Wars (Ingelsk foar "Stjerre-oarloggen") is in tige populêre Amerikaanske science fiction-mediafranchise dy't betocht is troch George Lucas. De franchise, dy't ta it subsjenre sword and planet rekkene wurde kin, is eigendom fan Lucasfilm, in filmstudio dy't yn 2012 oernommen waard troch The Walt Disney Company. Star Wars wurdt yn 'e regel ornearre begûn te wêzen mei de film Star Wars, út 1977, dy't letter mei weromwurkjende krêft omneamd waard ta Star Wars: Episode IV – A New Hope. De ferboeking fan it senario fan dy film kaam lykwols al yn 1976 út. De earste film wie in reuseftich súkses, en Star Wars ûntjoech him al rillegau ta in wrâldwiid popkultuerfenomeen.

De ferhalen fan Star Wars spylje har ôf tsjin in optochte eftergrûn "lang ferlyn, yn in stjerrestelsel fier, fier fuort". Yn 'e grûn giet it om 'e ivige striid tusken goed en kwea. Dêrby fertsjintwurdigje de Jedi-ridders it goede, en harren rivalen, de Sith, it kwea. It optochte universum omfiemet ek in protte tema's dy't ûntliend binne oan filosofy en religy. In foarbyld dêrfan is 'De Krêft' (The Force), in pseudowittenskiplike boarne fan enerzjy dy't de brûker boppenatuerlik lykjende fermogens jaan kin. Yn it ramt fan 'e franchise binne njonken de filmsearje adaptaasjes ta oare media ferskynd, lykas tillefyzjefilms, live-actiontillefyzjesearjes, tekenfilmsearjes, fideospultsjes, romans, strips, soundtrackalbums, kaartspullen, boerdspullen en boartersguod. Anno 2022 hawwe de Star Wars-films tsien Oscars en ien Golden Globe wûn, mei dêropta nominaasjes foar nochris tritich oare Oscars en fjouwer oare Golden Globes.