Kembra

Cymru Wales
(Baner)	(Kota arvow)
Cymru am Byth ("Kembra bys Vykken") po Y Ddraig Goch Ddyry Gychwyn ("An Dhragon Rudh a Re Dhalleth")
Gwlaskor	Rywvaneth Unys
Pennsita	Kardydh
Brassa sita	Kardydh
Enep  - sommenn  - % a'n RU	20 779 km² 8.49 %
Poblans  - Sommenn (2011)  - % a'n RU  - Doesedh	3 063 456 triger 4.66 % 148 triger/km²
Yethow soedhogel	Sowsnek, Kembrek
Esedhow yn Senedh an RU	40 ES
Kynsa Menyster	Mark Drakeford ESK
Mona:	Peuns sterling (£) (GBP)
Antemna kenedhlek:	Hen Wlad Fy Nhadau
Desedhans

Kembra (Kembrek: Cymru) yw onan a'n powyow Keltek. Rann yw a'n Rywvaneth Unys. Pow Sows yw y gentrevek unnik, mes yn ogas yma Wordhen, Kernow, Alban, hag Ynys Manow (powyow keltek erell) a-dreus Mor Wordhon, an Mor Keltek, po Mor Havren.

Kembra yw konna-tir menydhek yn Howlsedhes Breten Veur. Glow hag owr o poesek yn erbysieth Pow Kembra seulajydh, mes yma an balyow ow nagha a-dhia an blydhynyow 1970.

Hanow usys treweythyow rag an pow yw Prynseth Kembra (Tywysogaeth Cymru yn Kembrek, Principality of Wales yn Sowsnek), mes nyns eus gans Pryns Kembra gweythres marnas arwoedhek yn governans an pow.

Yma omrewl finwedhys dhe'n pow a-dhia 1999, pan omguntellas Kuntelles Kenedhlek Kembra (lemmyn: Senedh Kembra) yn Kardydh wostalleth.

Abertawe ha Kasnowydh yw an trevow chyf war-lergh an benncita. Trevek ha diwysyansek yw glynnow Deghow Kembra, mes nyns eus poblans meur yn menydhyow Kres ha Gogledh Kembra.

An Normanyon a dryghas Kembra dre nebes tonnow, ha'n diwettha yn 1282. Rebellyans Owain Glyndŵr a-dhia 1400 bys 1409 a dhaswrug prynseth anserghek dres termyn. Yn 1536, Kembra a dheuth ha bos rann a Ruwvaneth Pow Sows.