Back Teater Afrikaans Theater ALS ቴያትር Amharic Teatro AN नाटक ANP مسرح Arabic مسرح ARZ থিয়েটাৰ Assamese Teatru AST Teatr Azerbaijani
Ars scaenica seu ars theatralis est ars activa ubi solus quidam aut plures, in momento et spatio quodam, se ad alium aut alios ostendunt, fabulam agentes.
Ostentatio vel actio appellatur fabula, ludus scaenicus vel spectaculum; momentum et spatium spectaculi appellantur scaena; et aedificium scaenam spectatorumque sedilia complexum, theatrum.
Qui artem in scaena agit appellatur actor, histrio, ballator, poeta, aut cantor, secundum genus spectaculi. Post siparium artifices scaenici quoque sunt moderator, productor, musicus, faber scaenicus, effectuum specialium peritus, luminator, artifex sonorum, etc.
Ludus aut spectaculum saepe musicam et saltationem assectatur, et theatra quoque sunt loci orationibus, acroasibus, concentibus et symphoniis idonei, sed musica, ballatio, oratio, et acroasis sine actione fabulaque narrata non habentur artes scaenicae. Theatrum lyricum vel opera est genus spectaculi ubi histriones cantant; si loquuntur, spectaculum dicitur theatrum prosae.