Back Tokyô ACE Токио ADY Tokio Afrikaans Tokio ALS ቶክዮ Amharic Tokio AN Tōcyō ANG टोक्यो ANP طوكيو Arabic ܛܘܩܝܘ ARC
Tokium
Locus: 35°41′22″N 139°41′30″E
Numerus incolarum: 14 264 798
Zona horaria: UTC+09:00, Japan Standard Time
Situs interretialis
Nomen officiale: 東京都, Едо, Tokio
Gestio
Geographia
Regiones urbanae: Adachi, Arakawa-ku, Bunkyo, Chiyoda-ku, Chūō-ku, Edogawa-ku, Itabashi-ku, Katsushika-ku, Kita-ku, Kōtō-ku, Meguro-ku, Minato, Nakano, Nerima-ku, Ota, Setagaya-ku, Shibuya-ku, Shinagawa-ku, Shinjuku, Suginami-ku, Toshima-ku, Taitō-ku, Sumida-ku, Hachioji, Tachikawa, Musashino, Mitaka, Ome, Fuchū, Akishima, Chofu, Machida, Koganei, Kodaira, Hino, Higashimurayama, Kokubunji, Kunitachi, Fussa, Komae, Higashiyamato, Kiyose, Higashikurume, Musashimurayama, Tama, Inagi, Hamura, Akiruno, Nishitokyo, Mizuho, Hinode, Hinohara, Okutama, Oshima, Toshima, Niijima, Kozushima, Miyake, Mikurajima, Aogashima, Ogasawara Village, Hachijo
Territoria finitima: Tiba, Saitamaënsis, Yamanashi Prefecture, Kanagawa Prefecture
Coniunctiones urbium
Tabula aut despectus
Tokium[1][2][3] (Iaponice 東京, Tōkyō 'caput orientale'), Metropolis Tokiensis (Iaponice 東京都 Tōkyō-to) rite appellatum, est urbs, caput Iaponiae de facto,[4][5] et maxima praefectura Iaponiae.[6] Praefectura, ad caput Sinus Tokiensis iacens, pars Kantō regionis in media ora Pacifica Honsuae, principalis Iaponiae insulae, est. Tokium est politicum oeconomicumque imperii pars intima, sedesque Imperatoris Iaponiae et rectionis nationalis. Anno 2021, praefecturae sunt 13 960 236 incolae. Maior Regio Tokiensis est maxime crebra regio metropolita in orbe terrarum, plus 37 468 milliones habitatorum anno 2018 continens.[7]
Urbs, olim vicus piscandi tantum nomine Iendum[8] (江戸 Edo 'aestuarium'), locus politicus magni momenti anno 1603 facta est, cum sedes sioganatus Tokugavensis designaretur. Cui regioni ante medium saeculi duodevicensimi, uni eo tempore ex creberrimis orbis terrarum regionibus urbanis, erant plus millio incolarum. Post sioganatum finitum anno 1868, caput imperiale, Meaci olim situm, ad Iendum translatum est, locum recens Tocium nominatum. Urbs a magno terraemotu Kantoensi anni 1923, iterum a bombis secundo bello mundano saeviente vastata est. Urbs annis 1950 rapide refici crescique coepit, ut miraculum oeconomicum Iaponiense (ut appellabatur) denique duceret. Ex anno 1943, Rectio Metropolita Tociensis viginti tris praefecturae regiones precipuas (olim Urbes Tocienses appellatas), varia oppida commeatorum et suburbia in parte occidente, ac duas insularum catenas externas administrat.
- ↑ Vilborg, Ebbe, Norstedts svensk-latinska ordbok, editio secunda. Norstedts Akademiska Förlag, Holmia, 2009.
- ↑ Tokium apud Nuntios Latinos audiatur.
- ↑ Nomen adiectivum "Tokiensis"; confer "Archidioecesis Tokiensis" e The Hierarchy of the Catholic Church (situs a Davide M. Cheney elaboratus) (Anglice).
- ↑ Rectio civitatis Tokium nulla lege caput rite designavit.
- ↑ Ōshima, Tadamori (23 Februarii 2018). 衆議院議員逢坂誠二君提出日本の首都に関する質問に対する答弁書. . The House of Representatives, Japan
- ↑ Cui administrator (Iaponice 知事) praefectus est.
- ↑ The World's cities in 2018
- ↑ "Postquam Cubus Meaco Iendum reuertit, &c." (Historia Japonensis anni M.D.C.XXIV. continens felicem christianae fidei progressum, et varia Japonensium christianorum pro fide certamina. Ex literis R.P. Joannis Froes Giram... Ex italico idiomate in Latinum translata apud Google Books)