Via Domitia

ITER A NARBONE VAPINCUM
Legenda Summo Pyrenaeo Narbo↑→ 16 mp Baeterrae 12 mp Cessero 18 mp Forum Domitii 15 mp Sextantio 15 mp Ambrussum(fr) 15 mp Nemausus Ugernum ←Arelate 18 mp Tarasco 7 mp Ernaginum(fr)→ 12 mp Glanum 16 mp Cabellio 12 mp Fines 10 mp Apta Iulia 12 mp Catuiaca 16 mp Alaunium 24 mp Segustero 16 mp Alabo 17 mp Vapincum 98 mp Segusio↓ 157 mp Mediolanum↓ 217 mp Ariminum per Aemiliam 216 mp Roma per Flaminiam
Fontes: Cuntz (1929); Miller (1887)

Via Domitia in Gallia prima viarum Romanarum fuit, ab anno 120 usque ad annum 118 a.C.n. a Gnaeo Domitio Ahenobarbo proconsule accurate munita.

Iter a Narbone Vapincum usque in Itinerario Antonini describitur sub titulo "De Italia in Hispanias. A Mediolano Vapinco trans Alpes Cottias ... inde in Galleciam ad Legionem VII Geminam" (387,4-389,6). Hoc iter a Pyrenaeo viam inferiorem secutus est, sed via Domitia antiqua a summo Pyrenaeo iuxta Tropaeum Pompeii incepisse censetur. Iter a Vapinco Segusium usque in Itinerario describitur sub titulo "De Italia in Gallias: a Mediolano Arelate per Alpes Gottias" (339,6-344,2). In valle Rhodani via Domitia ad Ugernum oppidum duxit et Tarascone ab urbe rursus incepit, flumine scaphis ope transito. Iter Itinerarii iuxta Arelate flumen transivit; ibi pons e ratibus confectus est. Postea eodem loco Constantinus I imperator pontem e lapidibus aedificare iussit.

De itinere a Pyrenaeo Narbonem vide Iter a Tarracone Narbonem. De itinere a Vapinco Segusium usque vide Iter per Alpes Cottias.