Austad er ein tidlegare kommune i Vest-Agder fylke[1][2], oppretta i 1909 og lagt ned i 1962.[1] Området er no del av Lyngdal kommune.[1]
Kommunen femnde området like vestom Lindesneshalvøya og det meste av han låg på halvøya mellom Rosfjorden og Grønsfjorden, og øyene like utom halvøya, der den gamle uthamna Korshamn ligg på Revøya. Han hadde same utstrekking som Austad sokn i Lister og kommune- og soknenamnet kjem frå garden Austad, der kyrkja for området ligg. Bygda der kyrkje ligg heiter òg Austad.