Kongreso ng Pilipinas

Kongreso ng Pilipinas Congress of the Philippines
Ika-18 Kongreso ng Pilipinas
Uri
Uri	Bikameral
Kapulungan	Senado Kapulungan ng mga Kinatawan
Pinuno
Pangulo ng Senado	Tito Sotto, NPC Simula Mayo 21, 2018
Ispiker ng Kapulungan ng mga Kinatawan	Alan Peter Cayetano, Nacionalista Simula Hulyo 22, 2019
Estruktura
Mga puwesto	324 (talaan) 24 senador 300 kinatawan
Mga grupong politikal sa Senado	Bloc ng mayorya (20):      PDP–Laban (6)      Nacionalista (4)      NPC (3)      Independyente (2)      Lakas (1)      UNA (1)      LDP (1)      CIBAC (1)      Bagumbayan–VNP (1) Bloc ng minorya (4):      Liberal (3)      Akbayan (1)
Mga grupong politikal sa Kapulungan ng mga Kinatawan	Bloc ng mayorya (182)      PDP-Laban (82)      Nacionalista (42)      NPC (36)      NUP (25)      Lakas (11)      PFP (5)      HNP (3)      LDP (2)      PMP (1) Bloc ng minorya (21)      Liberal (18)      Aksyon (1)      Independyente (2) Crossbench (72)      Ibang mga partido (13)      Sektoral (59)
Mga pinagsamang komite	Ang mga pinagsamang komite ay pinamumunuan ng mga senador
Otoridad	Artikulo VI, Saligang Batas ng Pilipinas
Halalan
Huling halalan ng Senado	Mayo 13, 2019
Huling halalan ng Kapulungan ng mga Kinatawan	Mayo 13, 2019
Lugar ng pagpupulong
Senado: Government Service Insurance System Building, Pasay Kapulungan ng mga Kinatawan: Batasang Pambansa Complex, Lungsod Quezon
Websayt
Senado ng Pilipinas Kapulungan ng mga Kinatawan ng Pilipinas

Selyo ng Senado

Selyo ng Kapulungan ng mga Kinatawan

Ang Kongreso ng Pilipinas (Ingles: Congress of the Philippines) ay ang pangunahing tagapaggawa ng batas ng Pilipinas. Isa itong lupong bikameral na binubuo ng mataas na kapulungan, ang Senado, at ang mababang kapulungan, ang Kapulungan ng mga Kinatawan.^[1]

Binubuo ng 24 na senador ang Senado^[2], ihinahalal ang kalahati nito bawat tatlong taon. Sa gayon naglilingkod ang bawat senador sa loob ng anim na taon. Ihinahalal ang mga senador ng bawat manghahalal at hindi kumakatawan ng kahit anumang heograpikang distrito.

Binubuo ang Kapulungan ng mga Kinatawan ng hindi lalagpas sa 250 mambabatas. May dalawang uri ng mga mambabatas: ang distrito at ang pansektor na mga kinatawan. Kinakatawan ng isang distritong mambabatas ang isang partikular na heograpikong distrito ng bansa. Binubuo ng isa o higit pa na distritong kongresyunal ang lahat ng mga lalawigan sa bansa. May mga sarili ding mga distritong kongresyunal ang ilang mga lungsod, kasama ang ibang lungsod na may dalawa o higit pa na kinatawan.^[3]

Kinakatawan naman ng pansektor na mambabatas ang minoryang sektor ng populasyon. Binibigyan ng pansin ang mga pangkat ng minorya na ito upang magkaroon ng kinatawan sa Kongreso, kung sakaling hindi maayos ang kanilang representasyon sa pamamagitan ng distritong kinatawan. Kilala rin bilang kinatawang party list, kinakatawan ng mga pang-sektor na mambabatas ang mga unyon ng manggagawa, pangkat na nagsusulong ng mga karapatan, at iba pang kapisanan.^[4]

Ang Saligang Batas ay naglalaan sa Kongreso na magtipon sa karaniwan nitong sesyon bawat taon na nagsisimula sa ika-apat na lunes ng Hulyo. Ang karaniwang seyson ay maaring magtagal ng isang buwan bago magsimula ang panibagong sesyon sa susunod na taon. Gayunpaman, ang Pangulo ay maaring tumawag ng isang espesyal na sesyon na karaniwang dinadaos sa kalagitnaan ng karaniwang sesyon para sa mga kagipitan at mahahalgang bagay.^[5]

1. ↑ "Article VI: THE LEGISLATIVE DEPARTMENT". Philippines Official Gazette. Inarkibo mula sa ang orihinal noong Disyembre 25, 2018. Nakuha noong Mayo 31, 2013.{{cite web}}: CS1 maint: date auto-translated (link)
2. ↑ "The Legislative Branch". Philippines Official Gazette. Philippines Official Gazette. Inarkibo mula sa ang orihinal noong Hunyo 2, 2017. Nakuha noong Mayo 31, 2013.{{cite web}}: CS1 maint: date auto-translated (link)
3. ↑ "Article VI: THE LEGISLATIVE DEPARTMENT". Philippines Official Gazette. Inarkibo mula sa ang orihinal noong Disyembre 25, 2018. Nakuha noong Mayo 31, 2013.{{cite web}}: CS1 maint: date auto-translated (link)
4. ↑ "Article VI: THE LEGISLATIVE DEPARTMENT". Philippines Official Gazette. Inarkibo mula sa ang orihinal noong Disyembre 25, 2018. Nakuha noong Mayo 31, 2013.{{cite web}}: CS1 maint: date auto-translated (link)
5. ↑ "Article VI: THE LEGISLATIVE DEPARTMENT". Philippines Official Gazette. Inarkibo mula sa ang orihinal noong Disyembre 25, 2018. Nakuha noong Mayo 31, 2013.{{cite web}}: CS1 maint: date auto-translated (link)