Laser

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Una preba con laser.

Laser (de l'anglés light amplification by stimulated emission of radiation) ye un dispositivo que emite luz por meyo d'un proceso d'amplificación optica basau en a emisión estimulada de radiación electromagnetica. O primer laser estió construiu en 1960 por Theodore H. Maiman en Hughes Research Laboratories, basau en o treballo teorico de Charles Hard Townes y Arthur Leonard Schawlow.

Un laser se diferencia d'atras fuents de luz en que emite una luz coherent. A coherencia espacial permite enfocar un laser en un puesto estreito, o que permite aplicacions como que o tallo por laser y a litografía. A coherencia espacial tamién permite que un rayo laser se mantienga estreito en grans distancias, o que permite aplicacions como punters laser y lidar. Os lasers tamién pueden tener una alta coherencia temporal, o que les permite emitir luz con un espectro muit estreito, ye decir, pueden emitir una solament color de luz. Alternativament, a coherencia temporal puede usar-se pa producir pulsos de luz con un amplio espectro pero duracions tan curtas como un femtosegundo.

Os lasers s'utilizan en unidatz de disco optico como Blu-Ray, imprentadoras laser, escaners de codigos de barras, trastes de seqüenciación d'ADN, fibra optica, fabricación de chips semiconductors y comunicación optica en o espacio libre, cirurchía laser y tractamientos d'a piel, materials de tallo y soldadura, dispositivos d'aplicación militar pa marcar obchectivos y medir l'aconsiga y a velocidat, y en pantallas d'iluminación laser pa entretenimiento.