Taxonomie (Biologie)

D Evoluzion vo de Wirbeldier uf dr Ebeni vo de Klasse. D Bräiti von ere Linie git aa, wivil Familie si het. Sonigi Diagramm si tüpisch für die evoluzionäri Taxonomii.

D Taxonomii (vo altgriechisch τάξις taxis, "Ornig," and -νομία -nomia, "Gsetz") isch e Fachgebiet vo dr Biologii, wo Grubbe vo Lääbewääse definiert uf dr Basis vo gmäinsame Äigeschafte und dene Grubbe Nääme git. D Organisme wärde dene Taxa (Äizaal: Taxon) zuedäilt und bechömme so e taxonomische Rang; Grubbe wo dr gliich taxonomisch Rang häi, chönne zu Übergrubbe mit eme hööchere Rang zämmegfasst wärde, so dass e taxonomischi Hierarchii entstoot.

Es git Wüsseschaftler wo d Taxonomii in dr Biologii mit dr Süstematik vo de Lääbewääse gliichsetze, anderi gseen d Süstematik as d Wüsseschaft vo dr Vilgstaltigkäit vo de Organisme und d Taxonomii as d Leer vo iirer Klassifikazion, e Klassifikazioonsschema, wo sich uf d Ergäbniss vo dr Süstematik und dr Nomenklatur stützt.


From Wikipedia, the free encyclopedia · View on Wikipedia

Developed by Nelliwinne