Back Trigraaf (ortografie) Afrikaans Триграф (ортография) AV Трыграф BE-X-OLD Teirgrafenn Breton Trígraf Catalan Trigraf CSB Trigraph German Trigraph (orthography) English Trígrafo Spanish Trigraaf Estonian
In de Sprochwüsseschaft isch e Trigraph e Kombination uss drei Schriftzeiche, wo als Eiheit behandelt werre und/oder ei einzige Lut widdergänn. E glychartigi Kombination vo zwei Schriftzeiche nännt mer Digraph. E Bispyl für e Trigraph isch s <sch>, wo im Dütsche, Alemannische und Luxeburgische mit em Lutwert [ʃ] verwändet wird oder <dzs> im Ungarische wo für de Lut [dʒ] stoot.
In de Programmiersproch C werre nün Drei-Zeiche-Sequänze als Trigraphe bezeichnet, wo alli mit ?? agange und jewyls für ei einzels Zeiche verwändet werre. Si repräsentiere Interpunktionszeiche, wo's in Zeichesätz, wo nit im ASCII entspräche, nit git. Säll betrifft bsunders nationali Variante noch de ISO 646. D Programmiersproch C verwändet aber fast de ganz ASCII-Zeichesatz.
Hütt müeß mer in de Programmiersproch C fast nümmi verwände, wyl uff aktuälle Computersystem de komplätt ASCII-Zeichesatz dargstellt werre cha.
| Trigraph | Äquivalänt |
|---|---|
| ??! | # |
| ??/ | \ |
| ??' | ^ |
| ??( | [ |
| ??) | ] |
| ??! | | |
| ??< | { |
| ??> | } |
| ??- | ~ |
|
Dä Artikel basiert uff ere fräie Übersetzig vum Artikel „Trigraph“ vu de dütsche Wikipedia. E Liste vu de Autore un Versione isch do z finde. |