Mozambique

Mozambique
República de Moçambique
República
Bandera de Mozambique Escudu de Mozambique
Lema nacional Toos somos unu
Himnu nacional Pátria Amada (es) Traducir
Alministración
Nome oficial República de Moçambique (pt)
Capital Maputu
Presidente de Mozambique (es) Traducir Filipe Nyussi (dende 15 xineru 2015)
Primer Ministru de Mozambique Adriano Maleiane
Llingües oficiales portugués
División
Rellaciones diplomátiques
Miembru de
Xeografía
Coordenaes 19°S 35°E / 19°S 35°E / -19; 35
Superficie 801590 km²
% agua 2%
Costes 2.470 km
Llenda con 4.571 km
Puntu más altu Monte Binga (es) Traducir
Puntu más baxu Canal de Mozambique
Demografía
Población 29 668 834 hab. (2017)
Densidá 37,01 hab/km²
Xentiliciu mozambicanu (masculín singular)
mozambicana (femenín singular)
Esperanza de vida 58,311 años
IDH 0,446 (2021)
Tasa de fertilidá 5,359 (2014)
Economía
Moneda Metical mozambiqueño (es) Traducir
PIB nominal 15 776 757 420 $ (2021)
Bancu central Banco de Mozambique (es) Traducir
Más información
Dominiu d'Internet .mz
Códigu telefónicu +258
Códigu ISO 508 / MOZ / MZ
Estaya horaria UTC+02:00 y Africa/Maputo (en) Traducir
portaldogoverno.gov.mz
Cambiar los datos en Wikidata
Mapa de Mozambique

La República de Mozambique, o simplemente Mozambique ye un país que s'alcuentra al este d'África, na oriella del océanu Índicu. Llenda al norte con Tanzania y Malaui, al noroeste con Zambia, al oeste con Zimbabue, al suroeste con Suazilandia, al sur y al suroeste con Sudáfrica y al este col océanu Índicu. Ta separtáu de Madagascar pola canal de Mozambique, al este. La so capital, y ciudá más poblada, ye Maputu (nomada Lourenço Marques na dómina colonial).

Ente los sieglos I y V pueblos de llingua bantú emigraron, dende'l norte y l'este, al territoriu qu'anguaño ye Mozambique. A partir del sieglu XI mercaderes árabes, perses y somalíes entamaron a establecer puertos comerciales a lo llargo la costa, contribuyendo al desarrollu d'una cultura y una llingua suaḥili.

El viaxe de Vasco da Gama en 1498 supunxo la llegada de los portugueses, que pasín ente pasu foron asentándose y colonizando'l territoriu dende 1505. Los más de cuatro sieglos de dominiu portugués finaron cola independencia del país en 1975. Poco dempués d'ella proclamose la República Popular de Mozambique, y tres de namái dos años de vida, el país sumiose nuna llarga ya intensa guerra civil que duró dende 1977 a 1992. Dos años dempués del so final, en 1994, el país celebró les sos primeres eleiciones multipartidistes, y de magar caltiénse como una repúbica presidencial relativamente estable, magar que sigue habiendo dellos brotes de violencia guerrillera de baxa intensidá.

Mozambique ye un país con bayura de recursos naturales. La economía de so ta basada principalmente na agricultura, pero ta medrando la industria, principalmente nos sectores alimentariu y petroquímicu y na industria del aluminiu, y el turismu va medrando nos caberos años. El principal sociu comercial ya inversor estranxeru nel país ye Sudáfrica; otros socios comerciales importantes son Bélxica, Brasil, Portugal y España. Dende 2001 el crecimientu añal del productu interior brutu del país ta ente los mayores del mundiu. Pese a ello, el país ye ún de los más probes y sodesarrollaos del mundu, y ocupa ún de los llugares más baxos nos ránking que miden el productu interior brutu per cápita, el desarrollu humanu, la desigualdá y la esperanza de vida.

L'idioma oficial del país ye'l portugués, que ye falao, xeneralmente como segunda llingua, pola metá de la población. Les llingües natives más falaes inclúin el makhuwa, el sena y el suaḥili. La población, d'alredor de 29 millones d'habitantes, ye principalmente d'etnia Bantú. No que cinca a la relixón, la más practicada ye'l cristianismu, con minoríes importantes de musulmanes y de siguidores de les relixones tradicionales africanes.

Mozambique ye miembru de les Naciones Xuníes, la Xunión Africana, la Comunidá de Países de Llingua Portuguesa, la Mancomunidá Británica de Naciones, la Organización pa la Cooperación Islámica, el Movimientu de Países Ensin Alliniar y la Comunidá de Desarrollu del África Austral, y tien l'estatus de país observador na Organización Internacional de la Francofonía.

  1. URL de la referencia: http://thecommonwealth.org/our-member-countries/mozambique. Data de consulta: 1r setiembre 2018.
  2. URL de la referencia: https://www.oic-oci.org/states/?lan=en. Data de consulta: 29 ochobre 2022.
  3. «Comunidá de Países de Llingua Portuguesa». Consultáu'l 25 agostu 2020.
  4. URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
  5. URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
  6. URL de la referencia: https://www.iho.int/srv1/index.php?option=com_wrapper&view=wrapper&Itemid=452&lang=en. Editorial: Organización Hidrográfica Internacional. Data de consulta: 8 avientu 2017.
  7. URL de la referencia: http://www.unesco.org/eri/cp/ListeMS_Indicators.asp.
  8. URL de la referencia: http://www.upu.int/en/the-upu/member-countries.html. Data de consulta: 4 mayu 2019.
  9. URL de la referencia: https://www.itu.int/online/mm/scripts/gensel8. Data de consulta: 4 mayu 2019.
  10. URL de la referencia: https://public.wmo.int/en/members/mozambique. Data de consulta: 26 mayu 2020.
  11. URL de la referencia: https://www.who.int/choice/demography/by_country/en/. Data de consulta: 21 xunetu 2020.
  12. URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 6. Supports qualifier: data de principiu.

From Wikipedia, the free encyclopedia · View on Wikipedia

Developed by Nelliwinne