Nueva York

Wikipedia:Wikipedia:Llista d'artículos que toa Wikipedia tien que tener/Archivu
Blue globe icon.svgNueva York
NYC Downtown Manhattan Skyline seen from Paulus Hook 2019-12-20 IMG 7347 FRD (cropped).jpg
Flag of New York City.svg Arms of New York City.svg
Bandera de la Ciudá de Nueva York
Alministración
PaísBandera de Estaos Xuníos d'América Estaos Xuníos
EstaosBandera de Nueva York (estáu) Nueva York
Tipu d'entidá ciudá global
Alcalde de Nueva York Eric Adams
Nome oficial New York (en)
Fort Neu-Amsterdam (en)
Nome llocal New York
Códigu postal
Xeografía
Coordenaes 40°42′N 74°00′O / 40.7°N 74°O / 40.7; -74Coordenaes: 40°42′N 74°00′O / 40.7°N 74°O / 40.7; -74
Nueva York alcuéntrase en los EE.XX.
Nueva York
Nueva York
Nueva York (los EE.XX.)
Map of New York Highlighting New York City.svg
Superficie 1213.369839 km²
Altitú 11 m
Llenda con condáu de Westchester, condáu d'Union, condáu de Hudson, condáu de Nassau y condáu de Bergen
Demografía
Población 8 804 190 hab. (1 abril 2020)
- 3 833 351 homes (2010)

- 4 245 512 muyeres (2010)
Porcentaxe 2.66%
43.58% d'Estaos Xuníos
Nueva York
Densidá 7255,98 hab/km²
Viviendes 3 191 691 (31 avientu 2020)
Más información
Fundación 1624 y 1626
Prefixu telefónicu 212, 347, 646, 718, 917, 929
Estaya horaria Horariu del este de Norteamérica
UTC−05:00 (horariu estándar)
UTC−04:00 (horariu de branu)
Llocalidaes hermaniaes Budapest, Xerusalén, Johannesburgu, El Cairu, Londres, Madrid, Beixín, Santu Domingu, Tokiu, Brasilia, Borås, Oslu, Arxel, Xakarta, Tel Aviv, Cali, Shanghai, Marrakech, Seúl, La Paz, Târgoviște (es) Traducir, Dubái y Ciudá de Méxicu
nyc.gov
Cambiar los datos en Wikidata

Nueva York (nomada oficialmente New York City, pa estremala del estáu homónimu) ye la ciudá más poblada de los Estaos Xuníos y el centru de l'área metropolitana de Nueva York, una de les mayores del mundu. Con una población estimao (U.S. Census Bureau, 2019) de 8.336.817 habitantes, ye la sé de la Organización de les Naciones Xuníes y considérasela bien de veces como la capital cultural del mundu. Na so área metropolitana, de 17.400 km² d'estensión, viven 18,9 millones d'habitantes.

L'Empire State Building y, al fondo, cúpula del Chrysler Building, nel Midtown Manhattan

Asitiada nún de los mayores puertos naturales del mundu, la ciudá ta formada por cinco boroughs (distritos); caún d'ellos ye un condáu del estáu de Nueva York. Esos distritos (Brooklyn, el Bronx, Manhattan, Queens, y Staten Island) formen oficialmente una única ciudá dende 1898. Esa ciudá, que reparte los sos más d'ocho millones d'habitantes en malpenes 783,8 km², ye la de mayor densidá de población de tol país. Ye, tamién, la de mayor diversidá llingüística nel mundu; calcúlase que fálense nella 800 llingües diferentes.

L'orixe de la ciudá remóntase a 1624. Esi añu fundose, por mercaderes holandeses, un puestu comercial na fastera meridional de la islla de Manhattan, que recibió en 1626 el nome de Nueva Ámsterdam. La ciudá pasó a manes de los ingleses en 1664, y recibió'l so nome actual dempués de que'l rei Carlos II d'Inglaterra-y diera eses tierres al so hermanu, el duque de York. La ciudá foi capital de los Estaos Xuníos dende 1785 a 1790, y ye la ciudá mayor del país dende esi últimu añu. A ella aportaron, a finales del sieglu XIX y entamos del XX, millones d'inmigrantes per barcu. Al llegar a la ciudá yeren saludaos pela Estatua de la Llibertá, que ye anguaño un símbolu universalmente reconocíu de los Estaos Xuníos y la so democracia.

La ciudá ye visitada añalmente por 50 millones de persones. Les más d'elles pasen per Times Square y visiten los sos perfamosos puentes, rascacielos y parques. La ciudá abelluga tamién el centru financieru del mundu, el distritu financieru qu'arrodia la bolsa (New York Stock Exchange) de Wall Street, principal mercáu bursátil del mundu pel volumen de capitalización de les empreses que cotizen nella. Consecuentemente con ello, les viviendes y oficines en Manhattan tán ente les más cares del mundu. La ciudá, amás, ye la sé de delles universidaes; dalgunes d'elles (Universidá de Columbia, Universidá de Nueva York y Universidá Rockefeller) suelen tar incluyíes nos llistaos que recueyen les 50 meyores universidaes del mundu.


From Wikipedia, the free encyclopedia · View on Wikipedia

Developed by Nelliwinne