Prifysgol Brown

Prifysgol Brown
ArwyddairIn Deo Speramus Edit this on Wikidata
Mathprifysgol breifat, prifysgol ymchwil, Colonial Colleges, sefydliad addysgol preifat nid-am-elw Edit this on Wikidata
Sefydlwyd
  • 1765 Edit this on Wikidata
Daearyddiaeth
SirProvidence Edit this on Wikidata
GwladBaner Unol Daleithiau America Unol Daleithiau America
Cyfesurynnau41.8261°N 71.4031°W Edit this on Wikidata
Cod post02912 Edit this on Wikidata
Map
Sefydlwydwyd ganJames Manning, John Brown, Moses Brown, Morgan Edwards Edit this on Wikidata

Prifysgol breifat a leolir yn Providence, Rhode Island, Unol Daleithiau America yw Prifysgol Brown (Saesneg: Brown University) sydd yn un o brifysgolion elît yr Ivy League.

Derbyniodd ei siarter yn gyntaf ar ffurf Coleg Rhode Island yn Warren, Rhode Island, ym 1764, ar gyfer myfyrwyr gwrywol o Fedyddwyr. Symudodd i Providence, prifddinas y dalaith, ym 1770 a chymerodd ei enw cyfredol ym 1804 er anrhydedd y cymwynaswr Nicholas Brown. Dan arweiniad Francis Wayland, llywydd Brown o 1827 i 1855, estynnwyd y cwricwlwm drwy helaethu'r pynciau dewis, ychwanegu ieithoedd modern, a gwella offer y labordai.[1] Trodd Brown yn brifysgol gymysg ym 1971 wrth gyfuno â Choleg Pembroke, y coleg merched cyswllt a sefydlwyd ym 1891 ac enwyd ar ôl Coleg Penfro, Caergrawnt ym 1928.

Mae Prifysgol Brown yn cynnwys coleg i israddedigion, adran ôl-raddedig, ac ysgolion meddygol. Mae'n wahanol i'r mwyafrif o brifysgolion eraill yn yr Unol Daleithiau gan ei bod yn disgwyl i fyfyrwyr israddedig lunio rhaglen astudiaethau rhyngddisgyblaethol eu hunain ar gyfer eu gradd academaidd. Mae ganddi ryw 7000 o israddedigion a rhyw 3000 o ôl-raddedigion.

  1. (Saesneg) Brown University. Encyclopædia Britannica. Adalwyd ar 15 Mehefin 2021.

From Wikipedia, the free encyclopedia · View on Wikipedia

Developed by Nelliwinne