Carnivora

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Carnivora
Rechistro fosil: Dende l'Eoceno dica l'actualidat
Clasificación scientifica
Dominio: Eukaryota Reino: Animalia Filo: Chordata Clase: Mammalia Orden: Carnivora Bowdich, 1821
Familias
17 familias distribuitas en 2 suborders this week s y 3 infraórdens.

Carnivora ye una orden de mamiferos placentarios caracterizata per a suya estructura dental, mes que mes per a forma d'as suyas molars carateristicas, que en mastozoolochía se dicen «muelas carniceras». Se i clasifican arredol de 260 especies conoixitas, repartitas en 2 subórdens y 3 infraórdens que comprenden 17 familias. O termino «Carnivora», que significa literalment «carnivoros» en latín, fa referencia a l'alimentación depredadera d'a mayoría d'as especies que se i comprenden, anque existen belunas que la fan omnivora.

Representants d'esta orden habitan os cinco continents, habendo-ie especies (superfamilia Pinnipedia, focas, morsas y lions de mar) que se son gosato adaptar a la vida marina en podendo dintrar-se mils de kilometros en a mar, per lo que tecnicament se'n puet trobar representants en cualsiquier punto d'o globo terrestre.

Per o rechistro fosil, se crei que os mamiferos carnivoros apareixoron en Nordamerica fa bels 45 millons d'anyos, dimanando d'a familia de mamiferos fosils dita Miacidae. L'aparición d'as dos subórdens prencipals, Feliformia (literalment, en latín, «Os qui tienen forma de gato») y Caniformia (literalment, «Os qui guardan forma de can») se ye quiesto considerar que pasó no guaire dimpués.

Os primers miembros d'a familia Carnivora teneban una alimentación carnivora, como encara en l'actualidat la i tienen a mayoría d'as especies vivas d'o grupo. Enguán, només os Felidae y os Pinnipedia guardan una alimentación exclusivament carnivora sin d'excepcions conoixitas, estando omnivoros os muitos Canidae (se piense en os vulpins), Mustelidae (se piense en os teixudos), Ursidae (onsos), mangostas, chinetas ecetra. Os onsos gosan ser omnivoros de regular, estando que l'onso polar (Ursus maritimus) per a dureza de l'habitat a on que se troba, se fa obligato a mantener una dieta carnivora cuasi que en o 100%, anque si se le'n ofreixe tamién consume alimentos vechetals. En comparanza con l'anterior, l'onso panda chigant (Ailuropoda melanoleuca), que tamién fa parte d'a familia Ursidae, ye herbivoro en a mes gran parte d'a suya dieta, anque o suyo consumo de uevos, peixes y insectos ya s'haiga documentato.