Cosino

Iste articlo ye sobre una función matematica. Pa o fillo d'una tía u tío d'una persona se veiga primo.

En matematicas, o cosino^[1] ye una función par y contina con periodo ${\displaystyle 2\pi }$; amás una función trascendent. O suyo nombre s'abrevia como cos.

${\displaystyle \cos \;x=\cos(-x)}$

${\displaystyle \cos \;x=-\cos(x+\pi )}$

En trigonometría, o cosino d'un anglo ${\displaystyle \alpha }$ d'un trianglo rectanglo se define como a razón entre o cateto adchacent a dito anglo y a hipotenusa:

${\displaystyle \cos \alpha ={\frac {b}{c}}={\frac {AC}{AB}}}$

Ista razón no pende pas d'a grandaria d'o trianglo rectanglo trigau sino que ye una función pendient de l'anglo ${\displaystyle \alpha .}$

Si ${\displaystyle B}$ perteneixe a la circumferencia de radio un con centro ${\displaystyle O=A}$ se tien:

${\displaystyle \cos \alpha =b=AC}$

Ya que ${\displaystyle c=AB=1}$.

Ista construcción permite representar a valor d'o cosino pa anglos no agudos y funciona exactament igual pa os vectors, representando un vector ${\displaystyle {\vec {AB}}}$ por meyo d'a suya descomposición en os vectors ortonormals ${\displaystyle {\vec {AC}}}$ y ${\displaystyle {\vec {CB}}}$.

1. ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.