DOCSIS

DOCSIS (angle Data Over Cable Service Interface Specification) estas normo kiu difinas la regulojn kaj protokolojn de interfacoj, de komunikado kaj agordo por sistemoj de transporto de datumoj kaj aliro al Interreto uzantaj la malnovajn retojn de televido per samaksa kablo. Ĝi ebligas aldoni transigon de datumoj, kun granda rapido, al ekzistantaj sistemoj de kabla televido.

DOCSIS estas uzata de multaj operatoroj de kabla televido por provizi aliron al Interreto super sia ekzistanta hibrida infrastrukturo HFC (angle Hybrid fiber-coaxial, "Hibrida fibro-samaksa kablo") kiu estas aŭ estis uzata por kabla televido.