Finlandia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Republica de Finlandia Suomen Tasavalta Republiken Finland
(En detalle) (En detalle)
Lema nacional:
Himno nacional: Maamme/Vårt land
Capital  • Población	Helsinki 564.696
Mayor ciudat	Helsinki
Idiomas oficials	Finés y sueco
Forma de gubierno President Primer ministro	Republica Alexander Stubb Petteri Orpo
Independencia - Declarata - Reconoixita	de Rusia 6 d'aviento de 1917 3 de chinero de 1918
Superficie  • Total  • % augua Mugas	Posición 63º 337.030 km² 9,4% 2.628 km
Población  • Total (2020)  • Densidat	Posición 111º 5.525.592 16,39 hab/km²
PIB (PPA)  • Total (2007)  • PIB per capita	Posición 54º $ 185.485 millons $ 35.279
Moneda	Euro (€)
Chentilicio	Finlandés/a u finés/a[1]
Zona horaria  • en Verano	UTC+2 UTC+3
Dominio d'Internet	.fi
Codigo telefonico	+358
Prefixo radiofonico	OFA-OJZ
Codigo ISO	246 / FIN / FI
Miembro de: UE, ONU, OCDE, OSCE

Finlandia, oficialment Republica de Finlandia (en finés: Suomi u Suomen Tasavalta; en sueco: Finland u Republiken Finland), ye un país miembro d'a Unión Europea dende 1995 y situau en o nord-este d'Europa.^[2] Tien buegas a o ueste con Suecia, a l'este con Rusia y a lo norte con Noruega. Por l'ueste y o sud ye rodiada por o mar Baltico, que la desepara de Suecia y Estonia, cruciando os golfos de Botnia y Finlandia, respectivament. A capital y ciudat mas important d'o país ye Helsinki.

En 2011, Finlandia contaba con una población de 5,4 millons d'habitants en un aria de 303 899 km². A mas gran parte d'a población d'o país se concentra en l'extremo sud, en a costa d'o golfo de Finlandia y a suya comarca (incluindo l'Aria Metropolitana d'Helsinki). Finlandia ye o sexto país mas extenso d'Europa y conta con una densidat poblacional baixa de 15,5 habitants por km², o que converte a lo país en o segundo de menor densidat poblacional d'a Unión Europea. A mas gran parte d'os fineses charran finés (u finlandés) como a suya luenga materna, a cual ye una d'as pocas luengas oficials d'a Unión Europea que no descienden d'a familia indoeuropea. A segunda luenga oficial de Finlandia ye o sueco, charrau como luenga materna por un 5,6 % d'a población.

Finlandia estió parte de Suecia dica que en 1809 estió anexionada por a Rusia Imperial, pasando a estar o Gran Ducau de Finlandia autonomo dica 1917, cuan obtenió a independencia. Actualment, Finlandia ye una republica parlamentaria y democratica, y ye miembro d'as Nacions Unidas dende 1955, asinas como d'a Unión Europea dende 1995. A economía de Finlandia ye una d'as mas prosperas en o continent, basando-se en os importants sectors de servicios, asinas como de manufactura. En o país existe un estau de buenpasar, asinas como una politica altament democratica y con livels sumament baixos de corrupción.

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ (en) Finland en "The World Factbook" d'a CIA