Kelvin

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O kelvin (simbolo K) ye a unidat de temperatura d'o Sistema Internacional d'Unidaz y en ye una d'as suyas siet unidaz basicas. A escala Kelvin ye una escala de temperatura termodinamica (absoluta) a on que o zero absoluto, a teorica ausencia d'enerchía, ye zero (0 K). Ista unidat recibe o suyo nombre en honor a lo fisico, matematico y incheniero britanico William Thomson (1824 - 1907), que fue nombrato Lord Kelvin, y que escribió sobre a necesidat d'una "escala de temperatura termodinamica".

A diferencia d'os graus Fahrenheit e d'os graus Celsius, o kelvin no se refiere a un "grau", ni tampoco no s'ha de escribir con o simbolo d'os graus. O nombre correcto d'a unidat ye kelvin (en minusclas), y no pas grau Kelvin, y o simbolo no ye tampoco °K como a vegatas s'escribe por analochía con o grau Celsius. O kelvin fue definito en 1954 como grau kelvin en a 10^ena Conferencia Cheneral de Pesos y Mesuras.^[1] Por decisión presa en a 13^ena CGPM o nombre ye l'actual kelvin^[2]

1. ↑ Resolución numero 3 d'a 10^ena CGPM (1954).
2. ↑ Resolución numero 3 d'a 13^ena CGPM (1967/68).