Kopenhagen

København (dt: Kopehaage)
København
Basisdaate
Staat:	Dänemark
Region:	Hovedstaden
Kommune (seit 2007):	Kopehaage
Koordinate:	55° 41′ N, 12° 35′ O55.67570611111112.57874524Koordinate: 55° 41′ N, 12° 35′ O
Gründet:	1167
Iinwooner: (2022[1])	644.431
Flechi:	86,20 km²
Bevölkerigsdichdi:	7.476 Iiwooner bro km²
Hööchi:	24 m ö.h.
Telefonvorwahl:	+45 33, +45 35, +45 36, +45 70, +45 80
Bostläitzaal:	1050–1778, 2100, 2200, 2300, 2400, 2450
Bürgermäister:	Frank Jensen (Socialdemokraterne)
Stadtgliiderig:	15 Bezirk
Website:	www.kk.dk
Kopehaage Collaasch Vo linggs oobe: Christiansborg, Marmorkirche, Tivoli und Rådhuspladsen

Kopehaage (dänisch København^ⓘ/? [kʰøb̥m̩ˈhɑʊ̯ˀn], bis ins 19. Joorhundert Kjøbenhavn gschribe) isch d Hauptstadt vo Dänemark und s kulturelle und wirtschaftlige Zentrum vom Land. D Stadt isch Sitz vom Parlamänt (Folketing) und vo dr Regierig und d Residänz vom Staatsoberhaupt, em König.

Die dänisch Hauptstadt ghöört zu de bedütendste Metropole in Nordöiropa, isch e beliebts Zil für Turiste und e Haafestadt. D Kommune Kopehage (Københavns Kommune) het 644.431 Iiwooner, d Stadt im ängere Sinn, wo us de Kommune København, Frederiksberg und Gentofte bestoot^[2] 822.256 Iiwooner. Kopehaage isch Däil vo dr dänische Verwaltigsregion Hovedstaden und vo dr binazionale Metropolregion Öresundregion.

Im zämmehängende Siidligsgebiet (dänisch byområde) um Kopehaage, wo Hovedstadsområdet häisst, lääbe 1.345.562 Lüt^[3] (Stand: 1. Januar 2022).

D Stadt wird s eerscht Maal 1043 as Havn («Hafe») gnännt. Wil si so gäbig am Öresund lyt, wo ali Schiff zwüschet Nord- und Oschtsee durefaared, und wil si uf halbem Wääg zwüschet de mittelalterliche Bistümer Roskilde und Lund glägen isch, hät si sich chöne rasch entwickle. Uf Altdäänisch hät d Stadt Køpmannæhafn ghäisse, was «Hafe vo de Chaufflüüt» bidüütet. D Universität Kopehaage isch im Johr 1479 gründet worde.

1. ↑ Statistikbanken -> Befolkning og valg -> BY1: Folketal 1. januar efter byområde, alder og køn (dänisch)
2. ↑ Statistikbanken -> Befolkning og valg -> BEF44: Folketal pr. 1. januar fordelt på byer (dänisch)
3. ↑ Den Store Danske: Iidraag København, abgrüeft am 28. Novämber 2011