Lana

Iste articlo ye sobre a lana u fibra obtenita d'o pelo de bels animals; ta atros usos, se veiga lana (desambigación).

A lana^{[1][nota 1]} ye una fibra natural obtenita a partir d'o pelo de bels animals. En Europa a ormino ye de uella, pero en atros puestos tamién se fa servir a de llama, alpaca, vicunya, etc.

Cada anyata, cuan con a primavera la temperatura prencipia a puyar, a istos animals les se talla la lana ("esquira"), y una vegata recullita, seguntes l'uso a que se destine s'ha de someter a diversos procesos, como limpieza, filato, etc.

Tradicionalment os pelaires preparaban a lana pa dimpués que se i podese teixer.

Con a lana se fan colchons u almadas, tricoz y tamién tela, con a que se confeccionan vestuaches.

A lana ye un mal conductor d'a calor, y por ixo ye un buen aislant ta fer ropa con que protecher-se d'o frido.

1. ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

Error en a cita: Existen etiquetas <ref> ta un grupo clamau "nota", pero no se trobó garra etiqueta <references group="nota"/>