Machia

La machia son las artes, conoixencias, creyencias y practicas con qué se pretende producir resultaus contrarios a las leis naturals conoixidas valendo-se de ciertos actos u parolas, a partir d'elementos sobrenaturals u d'a natura u bien con a intervención de seres fantesticos. La machia ye considerada un arte amagau que implica la creyencia en l'uso d'habilidaz sobrenaturals pa producir efectos que la suya correlación no son explicables per la ciencia u la razón. Lo termin machia tamién s'usa pa referir-se a l'arte d'o ilusionismo, lo cual se vale de tecnicas u trucos utilizaus pa crear ilusions u efectos especials en espectaclos d'entretenedera.

La machia por a suya intención d'uso se puede clasificar en tres tipos: machia blanca si la suya naturaleza ye benefica, pa lo bien propio u pa lo d'os de demás, en contraposición a esta existe la machia negra, que la suya naturaleza, metodos u obchectivos no son comunment acceptaus per la sociedat an se producen, y que en cheneral tienen una fin personal, egoísta, y propio sin pensar en as consecuencias socials u publicas. Per zaguer cuan la suya fin ye d'entretenimiento se denomina ilusionismo y ye un arte escenico, subchectivo, narrativo y espectaclo d'habilidat y inchenio, que consiste en producir artificialment efectos en apariencia marabillosos y inexplicables per medio de trucos de machia.