Back Mumbai Afrikaans ሙምባይ Amharic Bombai AN मुम्बई ANP مومباي Arabic مومباي ARY مومباى ARZ মুম্বাই Assamese Mumbai AST मुम्बई AWA
| Mumbai | |||
|---|---|---|---|
| |||
| Staat: | Indien | ||
| Bundesstaat: | Maharashtra | ||
| Distrikt: | Mumbai City Mumbai Suburban | ||
| Lage: | 18° 58′ N, 72° 50′ O | ||
| Hööchi: | 11 m | ||
| Flechi: | 603,4 km² | ||
| Iiwooner: – Agglomeration: |
12.478.447 (2011)[1] 18.414.288 (2011)[2] | ||
| Bevölkerigsdichdi: | 20.680
Iiwooner/km² | ||
| Bostläitzaal: | 400001–400203 | ||
| Website: | www.mcgm.gov.in | ||
Mumbai (Marathi: मुंबई, Mumbaī [ˈmumbəi]), bis 1996 offiziell Bombay, isch d Hauptstadt vom Bundesstaat Maharashtra in Indie und die wichdigst Haafestadt im Subkontinänt. Si lit uf dr Insle Salsette vor dr Westküste vo Maharashtra. S Stadtzentrum befindet sich uf eme schmale Landsträife, wo vo dr sumpfige Küste in s Arabische Meer uusestoot. D Stadt isch s wirtschaftlige Zentrum vo Indie. Si isch e Vercheerschnote und Kulturzentrum mit Uniwersidääte, Theater, Museum und Galerie.
Mumbai het 12,5 Millione Iiwooner in dr Stadt sälber (das häisst ooni Vorort) und isch die grössti Stadt in Indie und äini vo de bevölkerigsriichste Stedt uf dr Wält. Mit 18,4 Millione Iiwooner in dr „Mumbai Metropolitan Region“ (MMR), wo au die nördlige Gebiet mit dr Stadt Thane iischliesst, ghöört Mumbai au zu de grösste Metropolregione uf dr Wält (Volkszelig 2011).
E Hufe Geböid im Zentrum vo Mumbai si in ere regionale Wariazio vom Historismus baut worde, wo zum Däil britisch inspiriert und zum Däil e britischi Interpretazion vom Mogul-Baustil isch. Zwäi Baudänkmööler in dr Stadt, der Chhatrapati Shivaji Terminus und d Hööli vo Elefanta stöön uf dr UNESCO-Liste vom Wältkulturerb.