Pinta

A pinta^[1][2] u nata^[1] (d'o latín medieval natta) ye una substancia de consistencia graixa y tonalidat blanca u amarillenca, que se troba de forma emulsionada en a leit.

Ye constituida prencipalment por globulos de materia graixa que se troban flotando en a superficie d'a leit cruda; por ixo se diz que ye una emulsión de grasa en augua. Ista capa se puede apreciar deixando bella cantidat de leit, sin homochenizar ni descremar, en una basilla: se puede observar como que una delgada capa prene forma en a superficie. Ista cinta de graixa se desepara por meyo d'un proceso de centrifugación y s'envasa por separau pa o suyo emplego en gastronomía.

Cal no pas trafucar ista pinta con a cual se forma cuan se bulle a leit, clamada telo, y que se produz por aglomeración de l'albumina d'a leit desnaturalizada por a calor. O telo que se forma en a superficie d'a leit bullida, manimenos tener un aspecto semellant a la pinta s'ha transformau quimicament por efecto d'a calor y tien un gusto y una textura liucherament diferent.

1. ↑ ^{1,0 1,1} (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ (es) Brian Mott El habla de Gistaín, Instituto de Estudios Altoaragoneses, 1989, ISBN 84-86856-15-9, p.205