Jens Stoltenberg

Jens Stoltenberg
Jens Stoltenberg Foto: Henry Wad
13de Sekretaris-generaal van NAVO
Ampstermyn 1 Oktober 2014 – 1 Oktober 2024
Voorafgegaan deur	Anders Fogh Rasmussen
Opgevolg deur	Mark Rutte
Eerste Minister van Noorweë
Ampstermyn 17 Oktober 2005 – 16 Oktober 2013
Monarg	Harald V
Voorafgegaan deur	Kjell Magne Bondevik
Opgevolg deur	Erna Solberg
Ampstermyn 3 Maart 2000 – 19 Oktober 2001
Monarg	Harald V
Voorafgegaan deur	Kjell Magne Bondevik
Opgevolg deur	Kjell Magne Bondevik
Leier van die Sosiaal-Demokratiese Arbeidersparty
Ampstermyn 6 April 2002 – 14 Junie 2014
Voorafgegaan deur	Thorbjørn Jagland
Opgevolg deur	Jonas Gahr Støre
Minister van Finansies
Ampstermyn 25 Oktober 1996 – 17 Oktober 1997
Eerste minister	Thorbjørn Jagland
Voorafgegaan deur	Sigbjørn Johnsen
Opgevolg deur	Gudmund Restad
Minister van Industrie en Energie
Ampstermyn 7 Oktober 1993 – 24 Oktober 1996
Eerste minister	Gro Harlem Brundtland
Voorafgegaan deur	Finn Kristensen
Opgevolg deur	Grete Faremo
Leier van die Arbeidernes Ungdomsfylking
Ampstermyn 1985 – 1989
Voorafgegaan deur	Egil Knudsen
Opgevolg deur	Turid Birkeland
Persoonlike besonderhede
Gebore	16 Maart 1959 (1959-03-16) (65 jaar oud) Oslo, Noorweë
Politieke party	Sosiaal-Demokratiese Arbeidersparty
Eggenoot/-note	Ingrid Schulerud
Kind(ers)	2
Alma mater	Universiteit van Oslo
Religie	Geen (Agnostisisme)
Handtekening

Jens Stoltenberg (gebore 16 Maart 1959 in Oslo) is 'n Noorse politikus, voorsitter van die Sosiaal-Demokratiese Arbeidersparty en het vanaf 17 Oktober 2005 tot 16 Oktober 2013 as eerste minister van Noorweë gedien. Stoltenberg was van 1 Oktober 2014 die 13de sekretaris-generaal van NAVO. Hy is op 1 Oktober 2024 deur die Nederlander Mark Rutte opgevolg.

Jens Stoltenberg is die seun van die politikus Thorvald Stoltenberg en sy vrou Karin. Sy familie is van Duitse afkoms en het in die 17de eeu vanuit Noord-Duitsland na Noorweë geëmigreer. Jens Stoltenberg is getroud met Ingrid Schulerud en het twee kinders.

Hy het tot 1987 ekonomie aan die Universiteit van Oslo studeer en 'n tyd lank as deeltydse joernalis vir die koerant Arbeiderbladet gewerk. Sedert 1993 is hy 'n afgevaardigde in die Noorse parlement, die Storting.

Tussen 1979 en 1989 het Stoltenberg as 'n bestuurslid van die Arbeidersparty se jeugorganisasie, Arbeidernes Ungdomsfylking (AUF), en tussen 1985 en 1989 as die AUF se voorsitter en adjunkpresident van die Sosialistiese Jeuginternasionaal (IUSY) gefungeer. Sedert 1985 is hy 'n bestuurslid van die Arbeidersparty, en was in die periode tussen 1990 en 1992 ook voorsitter van dié party se bestuurskomitee in Oslo.

Tussen 1990 en 1992 was Stoltenberg daarnaas 'n lid van die parlementêre komitee op verdediging, 'n lid van die maatskaplike komitee (1991–1993) en voorsitter van die komitee vir ruolie en energie (1997–2000).

Sedert 1990 het Stoltenberg meermale as 'n lid van die Noorse regering gedien – tot in 1991 as staatssekretaris in die departement van omgewingsbewaring, tussen 1993 en 1996 as minister van energie en ekonomiese sake en tot in 1997 as minister van finansies.

Tussen Maart 2000 en die verkiesing van 2001 was hy die eerste minister van Noorweë. In November 2002 het hy Thorbjørn Jagland as voorsitter van die Noorse Arbeidersparty opgevolg en is in die nasionale verkiesing van 11 en 12 September 2005 as kandidaat van dié party tot die nasionale parlement verkies. As die leier van links-groen-regeringskoalisie is hy op 17 Oktober 2005 as opvolger van Kjell Magne Bondevik tot eerste minister van Noorweë benoem. Op 16 Oktober 2013 is hy opgevolg deur Erna Solberg.

Stoltenberg is op 28 Maart 2014 aangewys as NAVO se nuwe sekretaris-generaal en het op 1 Oktober 2014 die amp by Anders Fogh Rasmussen oorgeneem. Hy is op 1 Oktober 2024 deur die Nederlander Mark Rutte opgevolg.