Pous Leo XIV

Pous Leo XIV
Geboortenaam	Robert Francis Prevost
Pontifikaat begin	8 Mei 2025
Pontifikaat eindig
Voorganger	Franciskus
Gebore	14 September 1955 (1955-09-14) (69 jaar oud) Chicago, Illinois, Verenigde State
Ander pouse genaamd Leo

Pous Leo XIV (Latyn: Leo XIV; Italiaans: Leone XIV; Engels: Pope Leo XIV; Spaans: León XIV; gebore as Robert Francis Prevost op 14 September 1955 in Chicago, Illinois, Verenigde State) is die 267ste en huidige pous van die Rooms-Katolieke Kerk, biskop van Rome en staatshoof van die Vatikaanstad. Hy is op 8 Mei 2025 verkies tydens die konklaaf wat gehou is ná die dood van pous Franciskus. Tot sy verkiesing het Robert Francis Prevost as kardinaal-diaken van Santa Monica gedien.^[1] Die naam Leo beteken "leeu".

Leo XIV is sowel die eerste Amerikaner en Peruaan wat tot hoof van die Rooms-Katolieke Kerk verkies is. Ná sy voorganger, pous Franciskus, is hy ook die tweede pous vanuit die Amerikas en die Nuwe Wêreld. Daarnaas is hy ook die sesde Augustyn en eerste sedert pous Gregorius VIII wat tot pous verkies is. Pous Leo XIV het homself genoem na pous Leo XIII (1878–1903), met sy slagspreuk nos multi in illo uno unum (Latyn vir: "Ons baie in daardie een [Christus] verenig"). Hy is op 18 Mei 2025 amptelik ingehuldig, waartydens hy ook sy pontifikale vissersring ontvang het.^[2]

Robert Francis Prevost is van Franse, Italiaanse en Spaanse herkoms. Hy is Engels, Spaans, Italiaans, Frans en Portugees magtig. Hy kan ook Latyn en Duits lees.^[3]

1. ↑ (en) catholic-hierarchy.org: Pope Leo XIV – Robert Francis Prevost, O.S.A.
2. ↑ (en) "Pope Leo XIV at Inauguration Mass: 'Let us walk towards God and love one another'". Vatican News. 18 Mei 2025. Besoek op 18 Mei 2025.
3. ↑ (en) Christopher White (8 Mei 2025). "The first American pope? This cardinal has the best chance of making history in this conclave". National Catholic Reporter. Besoek op 8 Mei 2025.