Back مجمع اللغة السويدية Arabic مجمع اللغه السويديه ARZ Jazyková rada (Švédsko) Czech Språkrådet (Sverige) Danish Language Council of Sweden English Sveda Lingva Konsilio Esperanto Ruotsin kielineuvosto Finnish Conseil des langues de Suède French Språkrådet i Sverige NN Språkrådet (Sverige) NB
Die Sweedse Taalraad (Sweeds: Språkrådet) is die hoof regulatoriese liggaam vir die bevordering en ontwikkeling van die Sweedse taal. Die raad word deels deur die Sweedse regering befonds en het semi-amptelike status. Die raad voer beheer oor die taal uit deur die publikasie van verskeie boeke met aanbevelings oor spelwyse en grammatika sowel as boeke oor taalkunde wat vir 'n algemene gehoor bedoel is. Die verkope van die boeke word gebruik om die werksaamhede van die raad te help befonds.
Die Sweedse Taalraad bestaan uit ander organisasies wat 'n belang het by die Sweedse taal, soos die Sweedse Akademie en die Sweedse Uitsaaikorporasie. 'n Aantal organisasies wat joernaliste, onderwysers, skrywers, akteurs en vertalers verteenwoordig word ook ingesluit.
Die raad publiseer sedert 1965 die kwartaallikse vaktydskrif Språkvård (letterlik "Taalbewaring"), wat artikels publiseer oor die gebruik en ontwikkeling van die Sweedse taal, lesers beantwoord oor spelwyse en grammatika sowel as die verskaffing van riglyne oor die gebruik van Sweeds in verskillende omstandighede. Dit het tans meer as 6 500 intekenaars.