Back Konstantyn V van Bisantium Afrikaans Constantín V AN قسطنطين الخامس Arabic قسطنطين الخامس ARZ Constantín V AST V Konstantin (imperator) Azerbaijani بئشینجی کونستانتین AZB Константин V Копроним Bulgarian Konstantin V Kopronim BS Constantí V Coprònim Catalan
| Konstantin V. (Byzanz) | |
|---|---|
| Kaiser vom Byzantinische Riich | |
 | |
| Regierigsziit | 741–775 |
| Uf d Wält cho | 718 |
| Geburtsort | Konstantinopel |
| Gstorbe | 14. Septämber 775 |
| Vorgänger | Leo III. |
| Nochfolger | Leo IV. |
Dr Konstantin V. (Κωνσταντῖνος Ε′, * 718; † 14. Septämber 775) isch dr byzantinisch Kaiser vo 741 bis zu sim Dood gsi. Er isch dr Soon und Noochfolger vom Kaiser Leo III. gsi, wo die syrischi Dünastii gründet het.
Dr Konstantin V. isch milidäärisch seer erfolgriich gsi. Ikonoduli Chroniste häi em aber dr Ruef aaghängt, ass er e gnaadeloose Bilderstürmer gsi sig und e Hufe Mönch verfolgt und umbrocht häig. Vom 9. Joorhundert aa het men en Kopronymos (ο Κοπρώνυμος, öbbe: dä mit em Naame vo Mist) gschumpfe, und no in dr Liddratuur vom 20. Joorhundert cha mä dä Übernaame finde. Die modärni Forschig hingeege gseet en as äine vo de fähigste byzantinische Herrscher, wo d Araber zruggdrängt (743-770), d Bulgare (756-775) und d Slawe ( 759-765) gschlaage und d Gränze vom Riich stabilisiert het.[1] Es gseet us, ass er käi herte Ikonoklastiker gsi sig. Er het die politischi ikonoduli Opposizioon, won en grad noch siner Droonbestiigig gstürzt het, bekämpft und in dr Religionsbolitik dr Aberglaube. Er het Reforme gmacht in dr Armee und dr Verwaltig und sich au um theologischi Frooge kümmeret. In dr Bevölkerig isch dr Kaiser woorschiinlig eender beliebt gsi, aber vor allem in der Armee het er hoochs Aasee gnosse.
- ↑ Ilse Rochow: Kaiser Konstantin V. (741–775). Materialien zu seinem Leben und Nachleben. Mit einem prosopographischen Anhang von Claudia Ludwig, Ilse Rochow und Ralph-Johannes Lilie. Frankfurt am Main u. a. 1994, vgl. Zämmefassig S. 1f. und S. 173.