Reichsteilung von 395

Bi dr römische Riichsdäilig vo 395 isch noch em Dood vom Kaiser Theodosius I. s Imperium Romanum in e westligi und en östligi Helfti däilt worde. Jedes vo dene Däilriich het en äigene Kaiser gha. Dr erst oströmisch Kaiser isch im Theodosius si elter Soon Arcadius gsi, dr erst weströmisch Kaiser si jünger Soon Honorius. D Residänz vom Kaiser vom Oste isch Konstantinopel gsi, im Weste het dr Hoof zerst z Mailand und spööter mäistens z Ravenna residiert, sälte au z Rom.

D Zitgenosse häi bäidi Riichsdäil wiiterhi as Däil vom ene äinzige Riich aagluegt. D Stadt Rom isch zwar politisch ooni Iifluss gsi, het aber in dr Ideologii e groossi Rolle gschbiilt. Im Joor 476, wo Westrom undergangen isch, isch au d Riichsdäilig ume gsi, und es het wider numen en äinzige Kaiser, dä z Konstantinopel, gee.