Siedepunkt

Dr Chochpunkt oder Verdampfigspunktvom ene räine Stoff si zwäi Wärt in däm sim Faasediagramm und bestoot us zwäi Gröössene: d Sättigungstämpratuur (speziell au d Chochtämpratuur) und em Sättigungsdampfdruck (speziell au Chochdruck) an dr Gränzlinie zwüsche dr Faase zwüsche Gaas und Flüssikäit. Er setzt sich also us de bäide Zuestandsgröössene Druck und Tämpratuur bim Übergang vom ene Stoff vom flüssige in dr gaasförmig Aggregaatzuestand zsämme. Bin ere offene Flüssigkäit isch dr Chochpunkt dorum dr Punkt uf dr Tämpratuurskala, wo dr Dampfdruck gliich grooss wie dr atmosfäärisch Druck isch.

Dr Chochpunkt isch d Bedingig, für dass e Stoff vo dr flüssige in die gaasförmigi Faase üübergoot (Faasenübergang), und däm säit mä Choche.^[1] Bim umgekeerte Vorgang vo dr Kondensazioon isch bi räine Stoff dr Chochpunkt idäntisch mit em Kondensazioonspunkt. Wemm mä e Gmisch vo Stoff vor sich het, isch s Choche andersch; denn gseet mä nid en äinzelne Punkt wo dr Stoff chocht, sondern e ganze Beriich. Bim Faasenübergang vo dr flüssige in die gaasförmigi Faase underhalb vom Chochpunkt reedet mä vom Verdunste.

Bim ene Dampfchochdopf nützt mä us, ass d Chochtämpratuur und dr Chochdruck vonenander abhängig si. Wemm mä dr Druck äi Bar (1000 hPa) hööcher macht, goot d Chochtämpratuur vo Wasser vo 100 °C uf öbbe 120 °C. Bäidi Tämpratuure si Chochtämpratuure, aber nume dr Wärt vo 100 °C isch au d Chochtämpratuur under Normaaldruck und esot d Normalchochtämpratuur.

1. ↑ ChemgaPedia: Glossar: Siedepunkt.