Zoologie

D Zoologii (altgriech. ζῷον, zóon „Dier, lääbigs Wääse“^[1] und λόγος [lógos], „Leer“), im witiste Sinn au Dierkund, isch d Disziplin vo dr Biologii, wo d Dier (Animalia), bsundrigs die Vilzällige Dier (Metazoa) erforscht. D Zoologii undersuecht mit verschiidene naturwüsseschaftlige Methode d Gstalt und dr Körperbau (Morphologii, Anatomii), die füsikalische und biochemische Vorgäng (Füsiologii), d Entwickligs- und Stammesgschicht (inklusiv Paleozoologii), d Vererbig (Genetik), d Umwältbeziejige (Ökologii), d Verbräitig (Zoogeografii) und s Verhalte (Verhaltensbiologii) vo de Dier und stellt e Süstematik vom Dierriich uf. Die mäiste Zoologe häi hüte Biologii als Studiefach studiert. Aber au Dierärzt, Forstwüsseschaftler und Geografe schaffe zum Däil as Zoologe.

1. ↑ Erwin J. Hentschel, Günther H. Wagner: Zoologisches Wörterbuch. 6. Auflage. Gustav Fischer Verlag Jena, Jena 1996, S. 627.