Back Jiddisj Afrikaans Jiddische Sprache ALS ዪዲሽኛ Amharic Yiddisch AN اللغة اليديشية Arabic ييديش ARZ İdiş dili Azerbaijani Идиш Bashkir Jiddisch BAR Jėdėš kalba BAT-SMG
 ייִדיש / Yídiš | |
|---|---|
| Faláu en | Alemaña, Arxentina, Australia, Bélxica, Bielorrusia, Brasil, Canadá, Estaos Xuníos, Países Baxos, Hungría, Israel, Lituania, Méxicu, Moldavia, Polonia, Rumanía, Rusia, Suecia, Suiza y Ucraína. |
| Falantes | 1.505.030[1] |
| Familia | Llingües indoeuropees Xermánicu |
| Alfabetu | Hebréu |
| Estatus oficial | |
| Oficial en | Rusia: Óblast Autónomu Hebreu.
|
| Reguláu por | YIVO (de facto) |
| Códigos | |
| ISO 639-1 | nengún |
| ISO 639-2 | yid
|
| ISO 639-3 | |
El yiddish (ייִדיש ,אידיש /'jidiʃ/ y dambos significando xudíu) ye un idioma perteneciente a les comunidaes xudíes asquenazís tanto del centru como del este européu, según aquelles de los sos descendientes nel continente americanu y otros llugares del mundu, conociéndose-y alternativamente como xudeoalemán.[Nota 1][2][3][4] Parte de la sintaxis y léxicu del yiddish provienen del alemán, pero'l yiddish tien tamién influencies del idioma hebréu, según tamién de delles llingües eslaves.[5] La ortografía yiddish usa los caráuteres del alfabetu hebréu.[6]
El yiddish ye una llingua milenaria, desenvolvióse tantu n'Europa Central como n'Europa del Este a partir del sieglu X y foi dende entós evolucionáu en caúna de diches rexones al pie de les llingües locales. Tres la emigración de la población xudía de les mentaes rexones europees pal continente americanu, y particularmente por cuenta de los devastadores efeutos del Holocaustu, la población que falaba yiddish foi amenorgada de 13 millones en 1930 a 3 millones de persones en 2005.
Los xudíos ortodoxos (ya inclusive ultraortodoxos) empleguen a diariu el yiddish pa comunicase ente ellos, yá que consideren que la llingua hebrea propia de l'Antigüedá ye sagrada y namái tien de ser emplegada nes plegaries o pal estudiu de la Torá. Sicasí, pa la escritura del yiddish, ellos empleguen precisamente los caráuteres hebreos, dende a lo menos el sieglu XIII.[7] Más allá de la vocalización que caracteriza al yiddish (y conozse como píntelaj o niqud), los calteres que'l mesmu emplega son los mesmos que figuren nos testos sagraos del xudaísmu y esautamente iguales a aquellos que s'empleguen na escritura del hebréu modernu.[8]
- ↑ Ethnologue
- ↑ Jaime Marominsky, El ídish defiende su nombre, Fundación IWO, 2007.
- ↑ Ramón García-Pelayo y Gross, Pequeño Larousse Ilustrado, Buenos Aires, Méxicu y París: Ediciones Larousse, 1977, páx. 1079: "yiddish", donde el término es sinónimo de "llingua xudeoalemana".
- ↑ L'idioma atópase emparentáu col altu alemán mediu, onde lo conoz como jüdisch-deutsch o xudeoalemán (yidish-daytsh ייִדיש-דײַטש); n'inglés denomínase yiddish (o incluso yidish).
- ↑ Particularmente del hebreo de Tiberíades.
- ↑ Ethnologue: Yiddish (accedido 11 de mayu de 2014).
- ↑ Por el momento, el texto yiddish más antiguo que se conoce es el Mahzor de Worms de 1272.
- ↑ Per otra parte, el fechu de que ciertos xudíos sean ultraortodoxos nun invalida'l que sí s'interesen en lleer o inclusive llean testos n'hebréu modernu, tal como lo acota, por casu, una fotografía tomada en Xerusalén en 2005 y que presenta un grupu de trés nuevos xudíos ortodoxos lleendo una pancarta que'l so títulu nun ye otru que "nigmerú ha-terutsím" (acabáronse les sides); imaxe aportada 7 de xunetu de 2013.
Error de cita: Esisten etiquetes <ref> pa un grupu llamáu "Nota", pero nun s'alcontró la etiqueta <references group="Nota"/> correspondiente