Nusa Natal

Nusa Natal, resminé Wawengkon Nusa Natal (Inggris: Christmas Island utawi Territory of Christmas Island), inggih punika wawidangan jaba Ostrali ring Samudra Hindia sané kawangun antuk nusa sané mawasta pateh. Puniki sawatara 350 kilométer (190 mil laut) kelod saking Jawa lan Sumatra sawatara 1,550 km (840 nmi) kalér-kauh saking titik sané pinih nampek saking daratan Ostrali. Puniki madué jimbar 135 kilométer persegi (52 sq mi).^[1] Isolasi géograpis Nusa Natal miwah lelitihan saking gulgulan manusa sané pinih kidik sampun ngawinang endemisme sané tegeh ring pantaraning flora miwah faunané, sané dados pikayunan para sujana miwah naturalis.^[2] Wastan wawengkon puniki kaicénin santukan nusa niki kapanggihin ri tatkala rahina Natal warsa 1643 olih Kaptén William Mynors.

Anak Éropa kapertama sané nyingakin Nusa Natal inggih punika Richard Rowe saking Thomas ring warsa 1615. Mynors ngicenin wastannyane. Kapertama kagenahang ring panguntat abad ka-19, risampuné akéh endapan phosphat kapanggihin, pangawitnyané kagenahang pinaka guano, ngawinang Inggris ngambil nusa punika duk warsa 1888 miwah ngawitin patambangan komersial duk warsa 1899.^[3] Jepang ngrejeng pulo punika duk warsa 1942 miwah ngamolihang endapan fosfat saking Ostrali, kantun, ring warsa 1958.

Nusa Natal madué krama 1.692 diri per tanggal 2021^[update],^[4]akéhan sané meneng ring paumahan ring sisi kalernyané. Pamukiman sane utama inggih punika Flying Fish Cove. Paumahan tiosan minakadi Poon Saan, Drumsite, and Kota Perak. Manut lelintihan, krama Ostralia Asia sané mawit saking Cina, Melayu, miwah India inggih punika akéhan warih saking krama.^[5][6]Sane mangkin, kirang langkung kalih pertiga saking krama ring pulo puniki kakenehang mawit saking Selat Cina (yadiastun wantah 22,2% saking krama sane maosang leluhur Cina duk warsa 2021),^[4] antuk akeh krama Melayu miwah Éropa Ostrali miwah akéh krama India Selat miwah Éurasia sané akidikan. Makudang-kudang basa sané kaanggén, minakadi basa Inggris, Melayu, miwah makudang-kudang dialék Cina.

Kapercayaan agama mabinayan manut geografis. Panglalah saking Anglo-Celtic ring ibu kota sané kawastanin The Settlement banget mapaiketan sareng agama Katolik, raris agama Buddha sampun katah ring Poon Saan, miwah Islam Sunni katah kapanggihin ring désa toya ring pasisi pasih genah krama Melayu meneng.^[7]

Akéhan (63%) saking pulo puniki kawangun antuk Taman Nasional Nusa Natal, sané madaging makudang-kudang wawengkon alas muson utama.

1. ↑ Shire of Christmas Island
2. ↑ "Save Christmas Island – Introduction". The Wilderness Society. 19 Séptémber 2002. Kaarsipin saking versi asli tanggal 9 Juni 2007. Kaaksés 14 April 2007.
3. ↑ Luscombe, Stephen (2019). "Christmas Island". The British Empire. Kaarsipin saking versi asli tanggal 4 Januari 2019. Kaaksés 16 Maret 2019.
4. ↑ ^{4,0 4,1} Pikobet nganggit: Tag <ref> tidak sah; tidak ditemukan teks untuk ref bernama Census2021
5. ↑ Neville-Hadley, Peter (14 Désémber 2017). "Christmas Island – the next big thing in travel? Home to Chinese, Indians, and Malays, it's a fascinating mix of cultures". www.scmp.com. South China Morning Post. Kaarsipin saking versi asli tanggal 15 Désémber 2017. Kaaksés 17 Januari 2017.
6. ↑ "The Christmas Island Story" (PDF). AUFP Platypus. Vol. 36. 1980. pp. 12–13. Kaarsipin (PDF) saking versi asli tanggal 7 Désémber 2019. Kaaksés 7 Désémber 2019.
7. ↑ Lee, Regina (2 Pébruari 2013). "Christmas Island's ethnic groups". The Star. Malaysia. Kaarsipin saking versi asli tanggal 28 Juli 2020. Kaaksés 3 Méi 2020.