Internacia Kosmostacio

Internacia Kosmostacio
kosmostacio kosma laboratorio artificial satellite of the Earth (en)
Komenco	20-a de novembro 1998 vd
Antaŭe	Space Station Freedom vd
Lando(j)	sen valoro vd
Situo	Usono
Partoj Zarya (en) , Unity (en) , Zvezda (en) , Destiny (en) , Quest Joint Airlock (en) , Pirs (en) , Harmony (en) , Columbus (en) , Kibo (en) , Poisk (en) , Tranquility (en) , Cupola (en) , Rassvet (en) , Integrated Truss Structure (en) , Leonardo (en) , Canadarm2 (en) , ExPRESS Logistics Carrier (en) , Dextre (en) , Mobile Servicing System (en) , Power Data Grapple Fixture (en) , Strela (en) , Ekstera Stapla Platformo, Bigelow Expandable Activity Module (en) , Nauka (en) kaj Prichal (en) vd
Premioj (2001)  Premio Princino de Asturio pri Internacia Kunlaborado vd
Retejo	Oficiala retejo
v • d • r

Internacia Kosmostacio
Internacia Kosmostacio fotita en novembro 2009 emblemoj de la Internacia Kosmostacio
Priskribo (kiam ĝi estos tute konstruata)
Ŝipanaro:	6
Lanĉo:	20-a de novembro de 1998
Lanĉejo	Kosmodromo de Bajkonur Kennedy Space Center
Maso:	419 600
Longo:	110 m
Larĝo:	74 m
Loĝebla volumeno:	935 m³
Elektra povumo:	110 kW
Orbita alto:	370-460 km
Orbita inklinacio:	51,6º
Orbita periodo:	91,20 min
Orbitoj en tago:	15,72
Averaĝa rapido:	7,69 m/s aŭ 27 685 km/h

La Internacia Kosmostacio (IKS) (angle: International Space Station (ISS), ruse: Международная Космическая Станция (МКС)) estas projekto de kvin kosmaj agentejoj: NASA (Usono), RKA (Rusio), JAXA (Japanio), Kanada Kosma Agentejo (Kanado) kaj ESA (Eŭropo).^[1] Krom tiuj landoj, ankaŭ partoprenas Brazilo sed kun apartigitaj kontraktoj kun NASA. Tiajn kontraktojn ankaŭ havas Italio sendepende de sia partopreno ene de la ESA.

La kosmostacio situas en orbito ĉirkaŭ la Tero je proksimuma alto de 360 km, tipo de malalta tera orbito (angle: Low Earth Orbit, LEO), sed pro la frotiĝo kun la malaltaj tavoloj de la atmosfero, tiu alto malaltiĝas averaĝe 100 m tage, kaj oni bezonas plialtigi ĝin denove. Por fari tion oni uzas la kosmoŝipon Progress, kaj ekde 2008 ankaŭ la kosmoŝipo ATV.

En kelkaj kampoj oni povas diri ke la Internacia Kosmostacio estas kunfandiĝo de antaŭe planitaj kosmostacioj, speciale Mir-2 de Rusio, Space Station Freedom de Usono kaj la planita kosmostacio Columbus de Eŭropo.

Danke al la IKS estas daŭra homa restado en la kosmo, ĉar ekde la 2-an de novembro 2000 estas almenaŭ du homoj loĝantaj en la stacio. Kvankam la kosmostacion konstruis la supre menciitaj landoj, kosmonaŭtoj el aliaj landoj, kaj eĉ turistoj, vizitis ĝin^[2].

1. ↑ Entute 10 landoj partoprenas la IKS-on. Aŭstrio, Finnlando, Irlando, Portugalio kaj Britio decidis ne partopreni. Ankaŭ ne partoprenas Grekio kaj Luksemburgio ĉar aniĝis al ESA post la komenco de la projekto.
2. ↑ Ankaŭ vizitis la kosmostacion kosmonaŭtoj el Kazaĥio, Sud-Afriko kaj Brazilo. Ankaŭ vizitis ĝin kosmonaŭtoj kun duobla ŝtataneco, kiel Anousheh Ansari (irandevena), Salizhan Sharipov (Uzbekdevena), ktp