Back Natalie Portman Afrikaans Natalie Portman AN ناتالي بورتمان Arabic ناتالى پورتمان ARZ Natalie Portman AST Natali Portman Azerbaijani ناتالی پورتمن AZB Наталі Портман Byelorussian Наталі Портман BE-X-OLD Натали Портман Bulgarian
Natalie PORTMAN (naskiĝis la 9-an de junio 1981 en Jerusalemo, Israelo sub la nomo de Natalie HERSHLAG - נטלי הרשלג - kiel unusola filino) estas usona aktorino. Ŝi surprenis komence de sia kariero la junulinan nomon de sia avino Portman kiel artistan nomon.
Ŝi konatiĝis jam 13-jare per la franca filmo Léon de Luc Besson en la jaro de 1994. Tion sekvis la filmoj kiel Heat kaj precipe Star Wars.
Ŝia israela patro laboris kiel kuracisto, la usona patrino estis dommastrino. La familio translokiĝis al Usono, kiam la patro trovis laboron en Merilando kaj kiam ŝi estis 3-jara. Poste la familio multfoje translokiĝis.
Natalie estis malkovrita en aĝo de 11 jaroj en picejo. Oni proponis al ŝi laboron kiel fotomodelo por Revlon, kiun ŝi rifuzis.
Krom la aktorado, studis ŝi ankaŭ psikologion en la Universitato de Harvard kaj faris somere de 2003 bakalaŭran ekzamenon.
En 2005 oni proponis ŝin por la plej bona flank-aktorino de la Premio Ora Globo.
Ŝi scipovas la hebrean kaj anglan lingvon kaj scipovetas la japanan, la germanan, la francan kaj la hispanan lingvon. Ŝi cetere manĝas vegetarisme de sia 8-a jaraĝo.[1]