Infanteria, oro har, borrokan oinez diharduen tropa da; lur-armadaren atala, erasoan lur-eremuak hartzea eta defentsiban lurraldeak mantentzea xede duena[1]. Normalean, historian zehar, armada guztien indar nagusia izan da, gudu-zelaian gehiengoa osatzen zuena. Lehenengo lerroan, infanteria arina dabil bere abiaduraz baliatzen zena. Infanteria astuna, berriz, artilleriarekin lotu da. Itsas armadan atal honi itsas infanteria deritzo.