David Pendleton Oakerhater

David Pendleton Oakerhater
persoanlike bysûnderheden
echte namme	David Pendleton Oakerhater
oare namme	Okehate ("Sinnedûnser")
nasjonaliteit	Amerikaansk
berne	±1847
berteplak	Yndiaansk Territoarium
stoarn	31 augustus 1931
stjerplak	Watonga (Oklahoma)
etnisiteit	Súdlik Sjajinsk
wurkpaad
berop/amt	predikant
aktyf as	sindeling, keunstner, kriger
jierren aktyf	±1861 – 1931
reden   bekendheid	ferneamd keunstner en sindeling,    nei syn dea hillich ferklearre

David Pendleton Oakerhater (Sjajinske namme: Okehate ("Sinnedûnser"); Yndiaansk Territoarium, ±1847 – Watonga (Oklahoma), 31 augustus 1931) wie in Yndiaansk kriger fan 'e stamme fan 'e Súdlike Sjajinnen, dy't yn 'e Oarloch fan de Reade Rivier tsjin 'e Feriene Steaten focht. Hy waard neitiid as kriichsfinzene yn Floarida fêstholden, dêr't er aktyf wie as tekener en him ûntjoech ta ien fan 'e grûnlizzers fan 'e moderne Yndiaanske keunst. Letter learde er foar predikant en wurke er as episkopaalsk sindeling ûnder de Yndianen yn Oklahoma. Yn 1985 waard Oakerhater de earste Yndiaan dy't troch de Episkopaalske Tsjerke yn de Feriene Steaten fan Amearika hillich ferklearre waard.