George Mikan

George Mikan

Biografía
Nacemento	18 de xuño de 1924 Joliet, Estados Unidos de América
Morte	1 de xuño de 2005 (80 anos) Scottsdale, Estados Unidos de América
Causa da morte	Diabetes mellitus
Lugar de sepultura	Lakewood Cemetery (en)
Residencia	Joliet
Educación	Joliet Catholic Academy (en) Archbishop Quigley Preparatory Seminary (en) Universidade DePaul
Altura	208 cm
Peso	111 kg
Actividade
Ocupación	avogado, adestrador de baloncesto, baloncestista
Período de actividade	1946 - 1956
Nacionalidade deportiva	Estados Unidos de América
Deporte	baloncesto
Liga	National Basketball Association, National Basketball League e Baloncesto masculino da División I da NCAA
Posición de xogo	Pivote
Traxectoria   Equipo 1942–1946 DePaul Blue Demons men's basketball 1946–1947 Chicago American Gears 1947–1954 Los Angeles Lakers (Pivote)
Familia
Fillos	Larry Mikan
Irmáns	Ed Mikan
Premios
(1954)  Equipo All-NBA (1953)  Premio Kobe Bryant ao MVP do All-Star Game da NBA (1953)  Equipo All-NBA (1952)  Equipo All-NBA (1951)  Equipo All-NBA (1950)  Equipo All-NBA (1949)  Equipo All-NBA
Sitio web	georgemikan.com

George Lawrence Mikan, Jr. nado en Joliet (Illinois) 18 de xuño de 1924 e finado en Scottsdale (Arizona) o 1 de xuño de 2005, foi un xogador de baloncesto estadounidense que destacou na década dos anos 50 xogando durante sete tempadas na NBA, todas elas nas filas dos Minneapolis Lakers e unha máis na NBL, nos Chicago American Gears. Xogando sempre cunhas grosas lentes redondas, este xogador de 2,08 metros de altura e 111 quilos está considerado a primeira superestrela da liga profesional norteamericana, redefinindo o xogo dos denominados "homes altos" co seu lanzamento de gancho ambidextro, produto da súa propia técnica de adestramento.^[1] Recibiu o alcume de "Mr. Basketball".^[2]

Mikan tivo unha exitosa carreira como xogador, gañando sete campionatos da NBA, un MVP do All-Star Game tras xogar o encontro en catro ocasións, tres títulos de máximo anotador do campionato, e sendo elixido en seis ocasións no mellor quinteto da liga. Foi tan dominante que causou o cambio de varias regras do xogo, entre elas a ampliación da "zona de persoal" (coñecida como a "Regra Mikan") e a introdución do reloxo de 24 segundos.^[3]

Tras a súa carreira profesional, Mikan chegou a ser un dos fundadores da American Basketball Association (ABA), sendo comisionado desa liga, sendo tamén vital para o nacemento da franquía dos Minnesota Timberwolves. Nos seus últimos anos de vida, viuse inmerso nunha batalla xudicial contra a NBA loitando en favor das pensións dos xogadores retirados, cando a liga non era tan lucrativa como na actualidade. Faleceu tras unha longa loita contra a diabetes.^[4] Polas súas proezas, Mikan foi incluído no Basketball Hall of Fame en 1959 e formou parte dos equipos do 25 e 35 aniversario da NBA e dos "50 mellores xogadores da historia da NBA" elixidos en 1996. Dende abril de 2001, unha estatua súa lanzando o seu tradicional gancho preside o vestíbulo do estadio Target Center de Minnesota.^[5][6]

1. ↑ George Mikan Bio
2. ↑ "George Mikan - Mr. Basketball". Arquivado dende o orixinal o 28 de xullo de 2016. Consultado o 21 de marzo de 2010. 
3. ↑ "24-Second Shot Clock Rescues League". Arquivado dende o orixinal o 21 de marzo de 2010. Consultado o 21 de marzo de 2010. 
4. ↑ Mikan was first prol to dominate the post
5. ↑ "Target Center". Arquivado dende o orixinal o 06 de xaneiro de 2010. Consultado o 21 de marzo de 2010. 
6. ↑ Minneapolis Lakers great George Mikan dies