Wikipedia:Mantemento

Zona de mantemento

Este lugar é como o servizo técnico da Galipedia, e está destinado a concentrar os esforzos para mellorar a calidade da enciclopedia libre en galego. Á parte de edicións, moita xente encárgase das tarefas de mantemento, necesarias para o bo funcionamento do wiki. O obxectivo é a obtención dunha enciclopedia máis ampla, mellor e de maior interese para as persoas que a consultan.

A maior parte dos labores de mantemento consisten na inclusión de marcadores nas páxinas, que indican algún tipo de páxina problemática ou que precisa dalgún tratamento, conforme á relación de categorías abaixo indicadas e a solución deses problemas. Esta zona de mantemento está dividida en seccións que fan referencia aos distintos tipos de traballos que hai que realizar para manter o correcto funcionamento da Galipedia.