Francoforte super le Meno

Francoforte super le Meno
instantia de: citate grande[*], free imperial city[*], college town[*], financial center[*], European City[*], bajarê azad[*], citate, municipalitate urban de Germania[*], urban district of Hesse[*], business cluster[*], Citate global
parte de: Stadtregion Frankfurt[*]
API: ˈfʁaŋkfʊʁt am ˈmaɪ̯n
data de creation: 1e seculo
sito web official: https://frankfurt.de/
Commons: Frankfurt am Main

Francoforte super le Meno^[1] (anque: Francoforte sur Main o simplemente Francoforte; in germano: Frankfurt am Main) es le urbe le plus grande in le stato Hesse in Germania, e le quinte in Germania integre. Le urbe es situate al ripa dextere del fluvio Meno o Main e ha circa 670 000 habitantes (le agglomeration ha quasi 2 milliones). Le blason de Francoforte es un aquila blanc super un fundo rubie.

Le citate es le centro financiari principal de Germania: le Bundesbank e le bursa german es situate ibi, assi como le Banca Central Europee, rendente Francoforte tanto prominente como London in le financias de Europa. Francoforte ha etiam un aeroporto importante. Le urbe es cognoscite como le del expositiones, specialmente a causa del Buchmesse, le exposition annual del casas editorial. Un del jornales autoritative de Germania, le Frankfurter Allgemeine Zeitung, ha su sede hic.

Un characteristica de Francoforte rar in Europa es le aspecto urban moderne dominate per grattacelos, supernominante lo Mainhattan. Specialmente le officios central del grande bancas (Commerzbank, Dresdner Bank e Deutsche Bank) e del Federation German de Football salta al oculo.

Francoforte es hodie un metropole 'juvene', grande e moderne, e es decime in le lista de citates mundial.

1. ↑ Derivation (in ordine alphabetic): (ca) Frankfurt del Main || (de) Frankfurt am Main || (en) Frankfurt || (es) Fráncfort del Meno || (fr) Francfort-sur-le-Main || (it) Francoforte sul Meno || (pt) Frankfurt am Main || (ro) Frankfurt pe Main || (ru) Франкфурт-на-Майне