Alp (mont)

Quest articol chì l'è scrivuu in lombard, grafia milanesa.

Disambiguazión – Se te see dree a cercà el sit indova che vann a fà pastura i bes'ce, varda Alp.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos. Per avè on'ideja di alter vos senza font, vardee chichinscì.

I Alp hinn ona cadenna de montagn de l'Europa del center-sud, spartida in tra la Franza, el Prinzipáa de Monaco, l'Italia, la Sguizzera, el Liechtenstein, l'Austria, la Germania e la Slovenia; i Alp hinn voeuna di pussée important cadenn de montagn de l'intrega Europa (la seconda dòpo el Caocaso) e anca voeuna di pussee famos al mond.

La montagna pussee vòlta, el Mont Bianch (Valdostan e Franzes: Mont Blanc; Talian: Monte Bianco), la riva a tocà i 4.807 meter; a bon cunt, el gh'è tant scim che passen i 4.000 meter, comè per esempi el Scervin (Todesch: Matterhorn; Sguizzer Todesch de'l Valles: ds'Hore; Talian: Cervino; Franzes: Cervin) (4.478), el Mont Roeusa (Todesch: Dufourspitze; Talian: Monte Rosa; na völta ciamaa in Sguizzera Gornerhorn = Forta o granda Montagna e in Italia Höchste Spitze = Scima püssee volta) (4.634), el Bernina (4.050). Boeugna anca dì che i montagn pussee vòlt hinn domà in de la part de l'ovest: meneman che vun el va a est i montagn se sbassen (ma se slarghen) semper pussée (i Alp de la Slovenia, tant per capì, riven nanca a 3.000 meter).