Hoplologiezh

Arabat eo droukveskañ gant Haplologiezh.

An hoplologiezh, diwar ar gresianeg ὅπλον (hóplon, dafar an hoplited en Henamzer) ha λόγος (lógos, « komz, prezeg, abeg, darempred ») eo anv ar skiant a zo he fal studiañ an armoù dre o implij, o sevel, o zeknik ha dre emzalc'h an dud a ra gante^[1]. En ur mod ledanoc'h e c'hall talvezout evit ober anv eus studi emzalc'hioù feuls Mab-den. Ar skrivagner hag ergerzhour saoz Richard F. Burton e voe an hini kentañ o termeniñ ar ger e 1884 en ul levr war implij an armoù gwenn en Istor^[2].

1. ↑ (en) Hoplology war geriadur Collins (lennet d'ar 25/09/2024)
2. ↑ (en) BURTON Richard F., The Book of the Sword: A History of Daggers, Sabers, and Scimitars from Ancient Times to the Modern Day, 1884, adembannet gant Skyhorse Publishing, 2014, 336 p.