Albert Einstein

Albert Einstein (14 de marzu de 1879, Ulm – 18 d'abril de 1955, Princeton) yera un físicu alemán nacionalizáu d'Estaos Xuníos. Ta consideráu como un de los científicos más conocíos y trescendentes del sieglu XX. En 1905, mientres trabayaba na oficina de patentes de Berna (Suiza) publicó un trabayu fundamental na física moderna, la Teoría de la Relatividá especial. D'esta teoría deduzse una de les fórmules más conocíes de la física, la ecuación d'equivalencia masa - enerxía, E=mc². Esi mesmu añu publicó otros trabayos qu'afitaríen les bases de la física estadística y la mecánica cuántica. En 1916 presentó la Teoría de la Relatividá xeneral, na que reformuló por completu el conceptu de gravedá. Dieron-y el Premiu Nobel de Física en 1921 pola explicación que fizo del efeutu fotoeléctricu y demás contribuciones a la física teórica.


From Wikipedia, the free encyclopedia · View on Wikipedia

Developed by Nelliwinne