Blog

Bloggarei

A Blog is a Dogebuach, Logbuach bzw. Journal, des wo auf oana Internetzseitn gfiat wead und wo jeda mitlesn und kommentian ko. Blog is a Obkiazung vo Web-Log. "Web" moant s "World Wide Web", an Hautbereich vom Internetz und "Log" kimmt vo Logbuach. An Betreiwa bzw. Schreiba vo an Blog nennt ma Blogger, s Schreim bloggn.

De moastn Blogs san auf bstimmte Themen spezialisiat, ondare hom meara an peasenlichn Dogebuachcharakta. Blogs san oft textorientiad, des hoasst da Schwaapunkt liegt aufm Text, dazua gibts no Buidl und Links zu ondan Blogs usw. Es gibt owa a Blogs, wo da Focus auf Grafikn ("Artblogs"), Fotos ("Photoblogs"), Videos ("Videoblogs"), Musi ("MP3-Blogs") oda Audio ("Podcast-Blogs") liegt. Microblogs san Blogs mit gonz kuazn Eiträgn ("posts). De Twitter Kontn san z. B. Microblogs.

Technorati hod im Feba 2014 1.3 Milliona Blogs eafossd.[1] Am 2. Feba 2011 hods wejdweit mea wia 156 Milliona effentliche Blogs im Internetz gem.[2]

Fia de Deitsche Nationaibibliothek san Blogs Netz-Publikationa, fia de seid 2013 Standardnumman wia fia Zeidschriftn vagem wean (ISSN).

  1. Technorati.com. Archiviert vom Original [1] am 22. Feba 2014.
  2. BlogPulse. The Nielsen Company. february 16, 2011. Archiviert vom Original [2] am 4. Juni 2012. Abgerufen am 17. Feba 2011.

From Wikipedia, the free encyclopedia · View on Wikipedia

Developed by Nelliwinne