Back تيلوميراز Arabic Telomeraza BS Telomerasa Catalan Telomeráza Czech Telomerase Danish Telomerase German Telomerase English Telomerazo Esperanto Telomerasa Spanish Telomeraas Estonian
Telomerasa, telomeroen bikoizketan eta iraunkortasunean duen paperagatik, biologian eta medikuntzan ezinbestekotzat jotzen den entzima bat da. Telomeroak, kromosoma linealen muturretan aurkitzen diren egitura nukleoproteikoak dira eta bikoizketa zelularrean informazio genetikoa babestea da hauen funtzioa. Telomeroak kromosoma lineal guztietan aurki ditzakegu eta zelula batzuetan, aurki dezakegun telomerasa entzimari esker, telomeroen iraunkortasuna handiagoa da, telomerasa entzima aurkitzen ez den beste batzuetan baino.
Telomerasaren aktibitatea bereziki altua da bikoizketa gaitasun handia eskatzen duten zeluletan, ama zeluletan eta sexu zeluletan. Zelula somatikoetan aldiz, telomerasaren aktibitatea oso txikia da edo ez da ematen. Kasu hauetan, zelularen bikoizketa bakoitzean telomeroen laburtze progresiboa ematen da eta honek, zelula hauen bikoizteko gaitasuna mugatzen du.