10 results found for: “Facebook”.

Main result

Facebook

Ing Facebook metung yang social network service ampong karinan-Aptas (website) a milauk o miumpisan aniang Febrero 2004, at palakad ne at banding primadu ning Facebook, Inc. As of July 2010 Atin yang maigit 500 miliun a talagamit ing Facebook. Maliari lang gawang personal a aske (personal profile) deng talagamit, mandagdag aliwang talagamit antimong kaluguran, at makilibeng mensahi, kayabe la reng tambing a pamagpabalu (automatic notifications) neng babayu de o a-update ing karelang aske o profile. Bukud kaniti, makapakiabe la kareng grupu da reng milulupa ineres o common interest user groups deng talagamit, a miagum agpang king pipagobran, pipagaralan, o aliwa pang katangian. Ing lagiu ning serbisiu ibat ya king palayo o aus a karniwan king libru a bibie da kareng magaral keng umpisa ning banuang academico deng manibala king universidad king America ba lang saupan a mikikilala deng magaral. Paintulutan neng makiabe antimong rehistradung talagamit ning Facebook ninumang magpawaga o sasabing maigit neng labing atlung banua. Ing Facebook tetag neng Mark Zuckerberg ampo reng ka-cuartu na king colegio ampo reng kalupa rang magaral computer science, di Eduardo Saverin, Dustin Moskovitz ampong Chris Hughes. Aniang mumuna, den mung magaral king Harvard deng maliaring makiabe, oneng miragdag la reng aliwang colegio students king lugal ning Boston, ing Ivy League, ampo ing Stanford University. Bagia-bagia, miragdag la reng magaral kareng miyaliwang universidad, bayu la miragdag deng magaral king secundario o matas a pipagaralan (high school), at bandang tauli, eganaganang maki edad a labing atlu o maigit. Agpang king pamanialugsug o pamagaral aniang Enero 2009 ning Compete.com, ing Facebook ing gagamitan dang diling social network a gagamitan da king mabilug a yatu deng actibung, at katuki ne ing MySpace. Bibili ne ning Entertainment Weekly king kayang "best-of" list para king kapupusan ning decada, at sasabia'nang, "How on earth did we stalk our exes, remember our co-workers' birthdays, bug our friends, and play a rousing game of Scrabulous before Facebook?"(Makananu ta lang penalukian deng kekatamung sadiang/dating tau, tandanan la reng aldo rang kebaitan deng kaupusina tamu, balik-balikan la reng kaluguran tamu, ampong mamialung makapangasdan a pialung ning Scrabulous bayu ing Facebook) Quantcast estimates Facebook has 135.1 million monthly unique U.S. visitors.