Rosario

Rosario
Kaart	Wapen
	Vlag
Land	Argentinië
Provinsie	Santa Fe
Departamento	Rosario
Koördinate	32°57′S 60°38′W / 32.950°S 60.633°W / -32.950; -60.633
Gestig op	7 Oktober 1793
Hoogte bo seevlak	31 m
Oppervlak:
- Totaal	178,69 vk km
Bevolking:
- Totaal (2012)	1 276 000
- Bevolkingsdigtheid	6 680/vk km
- Gran Rosario	1 235 558
Tydsone	UTC -3 (ART)
Somertyd	UTC -2 (ARST)
Burgemeester	Pablo Javkin (CREO)
Amptelike webwerf	rosario.gov.ar

Rosario (Spaans: [roˈsaɾjo]) is die derde grootste stad van Argentinië na Buenos Aires en Córdoba en die grootste stad van die provinsie Santa Fe met 'n oppervlakte van 179 vierkante kilometer en 'n bevolking van meer as een miljoen. Rosario is die administratiewe hoofstad van die gelyknamige departamento.

Rosario lê aan die westelike oewer van die Paraná-rivier, sowat 300 kilometer noordwes van Buenos Aires, in die sentrum van Argentinië se mees belangrike nywerheidskorridor. Saam met sy voorstede en aangrensende munisipaliteite vorm die stad die metropolitaanse gebied van Gran Rosario met 'n bevolking van meer as 1,2 miljoen (2009).

Rosario is 'n beduidende spoorwegsentrum en die belangrikste rivierhawe in Noordwes-Argentinië, wat danksy sy diepte van 34 voet ook as diepseehawe vir oseaanskepe dien. Die hawe hanteer uitvoergoedere soos graan, meel, hooi, lynsaad en ander plantaardige olies, mielie, suiker, timmerhout, vleis, velle en wol. Die belangrikste plaaslike nywerheidsprodukte is meelblom, suiker, vleis en ander verwerkte voedsel. 'n Brug oor die Paraná se rivierdelta verbind Rosario sedert 2003 met Victoria.