Basa Japang

Bahasa Japang dangarakan(patulung·info) (日本語; romaji: Nihongo) adalah sabuah basa Asia Timur nang jumlah pamandirnya kurang labih 125 juta jiwa, Bahasa Japang adalah basa nang rasmi digunaakan di Japang. Basa Japang targulung dari basa-basa Japunik, nang bahubungan ka kalumpuk basa-basa lain, tarutama bangat lawan basa Korea wan masih dipardabatakan urang ka dalam rumpun basa Altaik.

Bahasa Japang dipandirakan jua ulih sapalih panduduk nagara nang suah dijajahnya nang kaya Korea wan Republik Cina. Inya jua hingkat didangarakan di Amirika Sarikat (California, Hawaii) wan jua Brasil akibat imigrasi urang Japang ka situ. Namun katurunan bubuhannya nang disabut "nisei" (二世, generasi kadua), kada lagi fasih lagi bapandir Bahasa Japang.

Sadikit dikatahui dari basa prasajarah, atawa ngintu partama kali kalihatan di Japang. dukumin-dukumin basa Cina nang dari abad katiga dicatat babarapa kata-kata basa Japang, tapi tulisan-tulisan nang panting kada tatamu sampai ahirnya ditamuakan urang pada abad nang kadalapan. Salama Pariudi Heian (794-1185), Basa Cina baisi sabuah pangaruh nang mayu ganal lawan kusa kata wan funulugi pas basa Japang nang dahulu. Ahir basa Japang partangahan (1185-1600) talihat paubahan pada panampilan-panampilan nang mambawanya ka basa mudirin, lawan di waktu ngintulah masuknya partama kali kata-kata pinjaman dari Irupa, lugat nang standar bagarak dari wilayah Kansai ka Edo (Tokyo Mudirin) dairah nang pamulaan basa Japang mudirin piriudi (awal abad katujuh balas sampai abad kasambilanbalas). Diikuti ahir 1853 pada Isulasi Paksa Japang, nang mangalir kata-kata pinjaman dari basa-basa Irupa nang talah manambah haratnya, kata-kata pinjaman Basa Inggris kususnnya talah manjadi rancak, wan kata-kata basa Japang dari asal kata basa Inggris talah barkambang dangan luas.

Susunan kata biasanya Subjek-Objek-Kata Gawi, wan struktur kalimat adalah ulasan-tupik. Akhir kalimat digunaakan gasan manambah imusiunal atawa impatik nang kuat, atawa maulah partanyaan-partanyaan."Kata Banda" kadada baisi gramatikal bilangan atawa janis kalamin. "Kata Gawi" dihubungakan, tarutama masa wan bantuk, tapi lain urang. Basa Japang sama lawan kata-kata sifat dihubungakan jua. Basa Japang mampunyai sistim nang kumplit pada sabutan-sabutan kahurmatan lawan bantuk-bantuk kata gawi wan kusa kata gasan manunjukakan status kaluarga pamandir, pandangar, wan manyabutakan urang-urang.

Basa Japang kadada baisi silsilah hubungan lawan Basa Cina, tapi mambuatnya luas manggunaakan karakter-karakter Basa Cina, atawa kanji (漢字). Dalam sistim panulisannya, wan sabagian ganal kusa katanya maminjam lawan Basa Cina, tasimbaya lawan kanji, sistim panulisan kata Basa Japang, tarutama panggunaan dua silabic (atawa muraik) naskah-naskah, hiragana (ひらがな atawa 平仮名) wan katakana (カタカナ atawa 片仮名?). Sistim angka manguna'akan kabanyakan angka-angka Arab, di samping ngintu manggguna'akan angka-angka tradisiunal jua. Waktu dahulu Basa Japang sadikit haja masih nang mampalajarinya sabalum Gagasan Ikunumi Japang pada tahun 1980han. Pas ngintulah, majunya parkambangan kultur budaya Japang, sahingga wayahini banyak urang-urang nang mampalajari Basa Japang.

Adapun Bahasa Japang ngintu tabagi kapada dua bantuk yaitu "Hyoujungo" (標準語), patuturan standar, dan '"Kyoutsugo" (共通語), patuturan umum. Hyoujungo adalah bantuk nang diajarakan di sakulah, digunaakan di televisi wan sagala pahubungan rasmi.