Futbala Mondpokalo 2006

Monda Ĉampionado de Futbalo 2006 FIFA Fussball Weltmeisterschaft Deutschland 2006
[[dosiero:|290ra]]
Turniraj detaloj
Loko	Germanio
Datoj	9-a de junio - 9-a de julio 2006
Teamoj	32 (el 6 konfederacioj)
Ejoj	12 (en 12 urboj)
Finaj pozicioj
Ĉampiono	Italio (4a ĉampioneco)
Dua pozicio	Francio
Tria pozicio	Germanio
Kvara pozicio	Portugalio
Turniraj statistikoj
Matĉoj	64
Goloj	147  (2,3 matĉe)
Spektantoj	3 353 655  (52 401 matĉe)
Golreĝo(j)	Miroslav Klose (5 goloj)
Plej bona ludisto	Zinedine Zidane
v • d • r

La 18a Vira Futbala Mondpokalo estis sporta okazaĵo de la federacio FIFA kiu okazis en Germanio ekde la 9-a de junio ĝis la 9-a de julio 2006. Sud-Afriko, Brazilo, Maroko, kaj Anglio estis aliaj landoj kiuj kandidatiĝis por organizi ĝin.

La konkurso havis du fazojn: unue la teamoj de 32 landoj konkursis en grupoj de po kvar teamoj, kaj en ĉiu grupo restis la du plej bonaj, do entute 16 teamoj. Poste en la "finala fazo" unue ludis po du teamoj el tiuj 16, parigitaj laŭ antaŭe difinita sistemo (la okon-finaloj), do restis 8 gajnantoj, sekve interbatalis tiuj 8 teamoj (la kvaron-finaloj), el tio restis 4 gajnantoj, el kiuj po du interludis en la duon-finaloj, kaj - post kiam la perdintoj el tio elbatalis la trian lokon - la gajnintoj el la duon-finaloj komparis siajn fortojn en la finalo.

Por la futbala mondpokalo en 2006 unuafoje kvalifikiĝis la teamoj de Angolo, Ĉeĥio, Ebur-Bordo, Ganao, Togolando, Trinidado kaj Tobago kaj Ukrainio.