Back Karibiese See Afrikaans Karibisches Meer ALS ካሪቢያን ባሕር Amharic Mar Caribe AN Caribisc Sæ ANG البحر الكاريبي Arabic البحر الكاريبى ARZ কেৰিবিয়ান সাগৰ Assamese Mar Caribe AST Kariba Bira AVK
| Kariba maro | |
|---|---|
| maro | |
|
| |
| Mapo de Kariba maro. | |
| Profundeco | |
| Maksimuma | 7 686 m |
| Areo | 2 754 000 km² |
| Supra tutaĵo | Atlantika Oceano |
| Najbaraj tutaĵoj | Meksika Golfo |
| Kontinento | Nordameriko Sudameriko |
| Landoj |  Venezuelo  Kolombio  Panamo  Kostariko  Nikaragvo  Honduro  Gvatemalo  Belizo  Meksiko  Navasa Insulo  Jamajko  Haitio  Dominika Respubliko  Kubo  Porto-Riko  Britaj Virgulininsuloj  Usonaj Virgulininsuloj  Dominiko  Gvadelupo  Antigvo kaj Barbudo  Sankta-Kito kaj Neviso  Barbado  Grenado  Martiniko  Sankta Lucio  Sankta Vincento kaj la Grenadinoj  Trinidado kaj Tobago  Nederlandaj Antiloj  Angvilo
|
| Koordinatoj | 15° 0′ 0″ N, 75° 0′ 0″ U (mapo)15-75Koordinatoj: 15° 0′ 0″ N, 75° 0′ 0″ U (mapo) |
 Kariba maro | |
| Alfluantoj | Orinoko Magdalena |
La Kariba maro (angle Caribbean Sea; hispane Mar Caribe; france Mer des Caraïbes; en Haitia kreola Lamè Karayib; en Jamajka-kreola Kiaribiyan Sii; nederlande Caraïbische Zee; papiamente Laman Karibe) estas maro de Atlantiko situanta en la tropikoj de la okcidenta hemisfero. Ĝi estas limigita fare de la duoninsulo Jukatano de Meksiko kaj Mezameriko en la okcidento kaj sudokcidento, en la nordo fare de la Grandaj Antiloj komencante per la plej granda tiea insulo Kubo, en la oriento proksime de la Malgrandaj Antiloj, kaj en la sudo fare de la norda marbordo de Sudameriko.[1]
La Kariba maro komunikas kun Atlantika Oceano, sude de la Meksika Golfo. Ĝin bordas sude la ŝtatoj Venezuelo, Kolombio, kaj Panamo, okcidente Kostariko, Nikaragvo, Honduro, Gvatemalo, Belizo, kaj la Jukatano-duoninsulo apartenanta al Meksiko, norde Grandaj Antilaj insuloj Kubo, Hispanjolo, Jamajko, kaj Puerto-Riko, kaj oriente Malgrandaj Antiloj. La ligo inter la Kariba maro kaj la Meksika Golfo estas la Jukatana Markolo.
La tuta areo de la Kariba maro, la multaj insuloj de Karibio, kaj apudaj marbordoj, estas kolektive konata kiel Karibio. La Kariba maro estas unu el la plej grandaj maroj kaj havas areon de proksimume 2 754 000 km² (1 063 000 kv. mejl.).[2] La plej profunda punkto estas la Kajmana Fosaĵo inter Kubo kaj Jamajko, pli ol 7500 metrojn sub mara nivelo, inter la Kajmana Insularo kaj Jamajko, precize ĝis 7 686 m (25 220 ft) sub marnivelo. La kariba marbordo havas multajn golfojn kaj golfetojn: la Golfo de Gonave, Golfo de Venezuelo, Golfo Darieno, Golfo de la Moskitoj, Golfo Paria kaj Golfo de Honduro.
Biogeografie la suda parto de Kariba maro estas unu el la 43 maro-ekoregionoj de la Tutmondaj 200. Tiuj ĉi estas nombro de ekoregionoj elektitaj far la Monda Natur-Fonduso (WWF) kaj la Nacia Geografia Societo pro sia graveco pri la naturprotekto.
- ↑ The Caribbean Sea World Wildlife Fund. Retejo laste alirita la 5an de Decembro 2009
- ↑ The Caribbean Sea Arkivigite je 2018-01-04 per la retarkivo Wayback Machine All The Sea. URL laste alirite la 7an de Majo, 2006